Обично позитивните мисли, долгите летни вечери, патувањата и уживањето се асоцијација на летото, па сепак се почесто се јавува и феноменот на летна депресија. И додека околу вас сите прават планови за незаборавно лето, вие се чувствувате исцрпено, а секое прашање врзано за летните планови прави да се чувствувате непријатно и да посакате да побегнете од сите. Феноменот на летна депресија не е психолошко пореметување, туку моментална состојба на вашиот ум, оптоварен со големо количество на стрес, кој дополнително се зголемил со работата која вообичаено пред годишните одмори дополнително се зголемува.
Психолозите тврдат дека овој феномен се јавува како резултат на зголеменото количество стрес, незадоволството од изгледот и зголеменото чувство дека нешто пропуштаме додека светот околу нас, одлично се забавува. Покрај сето ова дополнително не исцрпуваат и високите температури, кои влијаат на тоа дека секоја активност ни се чини понапорна од што навистина е. Исто така, доаѓањето на летото подразбира и планирање на годишните одмори, што подразбира директно соочување со финансиите, правење сметки и носење одлуки за тоа дали летувањето е добра идеја.
Меѓутоа оваа состојба никако не е безизлезна, а се што ви треба е да ги надминете депресивните мисли во текот на летото и тоа со малку упорност и работа на себе. Место да се грижите за тоа како изгледаат другите и колку нивното лето е повозбудливо од вашето, погрижете се за почеток да се чувствувате добро во сопствената кожа. Потребно е да си објасните себеси дека ова лето е вашата можност да создадете прекрасни спомени со драгите луѓе, без оглед на тоа каде се наоѓате. Место да седите затворени дома излезете. Во текот на денот место да губите време, на пример, на Инстаграм и да мислите за туѓите, идеални животи, организирајте пикник во природа. Најдете начин да се релаксирате и да се ослободите од непотребниот стрес!
