Истражувањето направено од страна на група американски научници од Универзитетот Источна Каролина врз испитаници со дијабетес тип 2 покажало дека стресот и депресијата се поврзуваат со поголем ризик од мозочен удар. Стресот и депресијата уште се поврзуваат и со поголем ризик за смрт од срцеви заболувања и болести на крвните садови.
Ризикот бил најголем за лицата кои истовремено биле погодени и со стрес и со депресија, а кај нив ризикот од смрт од болести на срцето и крвните садови бил двојно поголем.
Резултатите објавени во стручното списание „Diabetes Care“ се базираат врз основа на следење на 22 000 возрасни испитаници на просечна возраст од 64 години.
