Една до три лажици (почнете со една лажица додека организмот не се навикне) псилиум разматете во јогурт, вода или сок и консумирајте го веднаш поради неговото брзо претворање во желатинска маса. Псилиумот или индиски тегавец може да го користите и во тесто за леб, бидејќи му дава мекост. Тоа го прави посебно погоден при подготовка на безглутенски леб и други производи од тесто.
Делотворен како средство за регулирање на столицата
Псилумот е корисна замена за лаксативи, а она што е најдобро, за разлика од останатите лаксативи и чаеви против опстипација (запек) е што делува многу нежно и нема дополнително да го дразни процесот на варење. Псилумот ја врзува водата за себе и ја олсенува работата на цревата, а освен кај лицата со запек, може да се користи и за потпомагање на редовност на столицата и за подобрување на целокупното здравје на системот за варење. На тој начин се спречуваат компликации како хемороиди и анални фистули.
Се грижи за здравјето на срцето
Испитувањата покажале дека помага во регулирање на нивото на холестеролот во крвта, а тоа е нешто што е најважно за секој од нас, посебно ако сме на возраст над 50 години. Една студија покажала како со шест неделно редовно (дневно) консумирање псилиум кај лица со прекумерна телесна тежина, ефиксно се намалило и регулирало нивото на холестерол во крвта. Зголеменото ниво на холестерол е еден од примерите како лошата исхрана негативно влијае на здравјето на срцето, а во таков случај многу е корисно да се зголеми внесот на здрави влакна во исхраната, со што се намалува ризикот од појава на болести на срцето. Псилумот може да помогне и во намалување на крвниот притисок, подобрување на нивото на липиди и во зајакнување на срцевиот мскул.
Дијабетес
Лицата со дијабетес мораат да водат сметка за исхраната со цел да одржат здрав баланс на инсулинот во крвта. Псилумот со својот состав помага во одржување на здрав гликемиски индекс на организмот. Испитување покажало дека редовно пиење на пет грама псилиум, два пати дневно, им помага на пациентите со дијабатес тип 2 да го контролираат нивото на шеќерот во крвта.
Намалување на вишокот килограми
Одржувањето на здрава телесна тежина е важно за сите нас,а особено за лицата со хронични проблеми, како дијабетес. Псилиумот е корисен бидејќи помага во стабилизирање на нивото на шеќерот во крвта и на хормонот на глад. Така, всушност помага и во слабеењето, и тоа не само што го одржува шеќерот во клетките на нормално ниво, туку благодарение на својот состав, псилиумот кога ќе се внесе во организмот се претвора во желе и дава чувство на ситост во желудникот.
