Резултати од нова студија покажале дека псоријазата кај пациенти кои имаат хипертензија (висок крвен притисок) го зголемува ризикот од кардиоваскуларни интервенции. Најголем ризик е воочен кај жените и кај лица на возраст од 50 до 64 години.
Исто така, се покажало дека пациентите со тешка форма на псоријаза или псоријатичен артритис имале поголем ризик од кардиоваскуларни интервенции во споредба со пациентите со блага форма на псоријаза.
Оваа студија, нагласуваат истражувачите, значи дека лекaрите треба повнимателно да ги следат пациентите кои истовремено имаат и хипертензија и боледуваат од псоријаза, во споредба со оние пациенти кои имаат само висок крвен притисок, со оглед дека тие се изложени на поголем ризик дека ним ќе им биде потребна кардиоваскуларна интервенција.
Некои претходни истражувања покажале дека псоријазата ја зголемува инциденцата на хипертензијата и кардиоваскуларните болести.
