Ракот на тестиси се создава во скротумот, лабави кожнати творби под пенисот. Тестисите произведуваат машки полови хормони и сперма за репродукција. Во споредба со другите видови рак ракот на тестиси е редок, но најчест облик на рак кај мажите на возраст меѓу 15 и 34 години. Се лекува, па дури и кога е проширен надвор од тестисите. Зависно од видот и стадиумот лекарот ќе препорача еден од неколкуте третмани или нивна комбинација. Редовниот самопреглед е мошне важен затоа што раното откривање на израстоците воедно значи и најмногу шанси за успешно лекување.
Симптоми според стадиумот
Согласно со стадиумот на ракот на тестиси главни симптоми се неправилностите на тестистите и болката во грбот. Со оглед на тоа дека јазлите кои упатуваат на рак можат лесно да останат незабележани, на многумина силната болка во грбот им е она што им создава најмногу проблеми, а таа обична се јавува со ширење на болеста, односно во вториот стадиум. За жал, заради тоа понекогаш може да поминат и по неколку месеци додека не се постави вистинската дијагноза, а кога е во прашање ракот на тестиси метастазите на белите дробови можат лесно да се појават и да се прошират за тоа време, а тоа значи дека ракот веќе го достигнал третиот стадиум. Кога ракот има доволно време за ширење на белите дробови, значи дека веќе е предоцна за лекување. За да ги избегнете компликациите, посветете внимание на следните симптоми кои вклучуваат:
- Јазли или проширувања во тестисите;
- Болки во тестисите;
- Чувство на тежина во скротумот;
- Отекување на нозете;
- Тапа болка во стомакот или препоните;
- Ненадејно собирање течности во скротумот;
- Болја или непријатност во тестисите или скротумот;
- Проширување или чувствителност на градите.
Ракот обично зафаќа само еден тестис, но тоа не значи дека не е можна појава и на другиот. Заради тоа секогаш треба да се посветува внимание и, секако, да не се игнорираат симптомите.
Причини:
Во повеќето случаи точната причина не е позната. Се создава кога здравите клетки почнуваа да се менуваат. Здравите клетки растат и се делат на правилен начин, но понекогаш може да се развијат абнормалности што резултира со нивно неконтролирано растење. Клетките на ракот се делат дури и кога нови клетки не се потребни, а тоа таложење создава маса во тестисите. Стручњаците тврдат дека најголемо влијание имаат генетските предиспозиции, иако не се најјасни кога станува збор за ракот на тестиси. Со низа истражувања се покажало дека многу е поверојатно дека мажот ќе добие рак на тестистите ако го има неговиот брат, отколку неговиот татко. Исто така, ако кај момченцата останат неспуштени тестистите нужно е да се појде на педијатар за да се спречат понатамошните компликации и евентуално рак на тестиси кај децата.
КАКО ДА СЕ ПРЕПОЗНАЕ?
Самопрегледот е обавезна опција, иако понекогаш е тешко да се препознае. Препораката е барем еднаш месечно мажите со допирање на тестисите да проверат дали постојат некакви абнормалности.
ЛЕКУВАЊЕ:
Можностите за лекување зависат од неколку фактори, вклучително и видот и стадиумот на ракот, а вклучуваат:
- Хирургија – примарен третман речиси за сите фази и видови рак на тестиси. За да се отстрани тестисот се прави рез на препоните и се вади целиот тестис низ отворот. Може да биде направена и реконструкција.
- Радиотерапија – можност која се користи кај личностите кои имаат семиномски рак на тестисите, како и во некои случаи на несеминомски рак. Со овој вид терапија се убиваат клетките на ракот.
- Хемотерапија – за време на оваа постапка клетките на ракот се уништуваат со помош на хемотераписки лекови, кои патуваат низ телото и ги убиваат дури и клетките на рак кои мигрирале од изворниот тумор.
ПОСЛЕДИЦИ:
Кога е во прашање ракот на тестиси, смртноста и не е толку честа. Имено, овој вид рак, ако се открие навреме, се лечи во 95 % од случаите. Ако се открие во рана фаза можно е да се одбегне и лекување со хемотерапија. Тоа е мошне важно затоа што со хемотерапија и зрачење можат да се оштетат здравите органи на мажот, а тоа може значително да влијае на репродуктивната способност, односно да доведе до неплодност.
