Неплодноста кај мажите е поврзана со ризик од рак

Ова ново истражување не е прво кое ја поврзува машката неплодност и ризикот од рак, но ова упатува на врска помеѓу најтешката форма на неплодност – азоспермија и ризикот од карцином.

Мажите кои се неплодни бидејќи нивниот организам не произведува сперматозоиди се под зголемен ризик од развој на рак, открива последната студија.

Истражувањето вклучило над 2 000 мажи со проблеми со плодноста, а оние кои имале азоспермија (состојба која означува дека во семента течност нема доволно сперматозоиди) биле под зголемен ризик од развој на рак во текот на наредните шест години.

Испитаниците на почетокот на студијата имале во просек 36 години, па мал број од нив развиле рак. Меѓутоа, два проценти од испитаниците со азоспермија заболеле од карцином. Сепак, кај нив ризикот од заболување бил три пати поголем отколку кај просечниот маж на нивна возраст.

„Ризикот кај такви мажи е еднаков со оној кај мажите постари од 10 години“, вели авторот на студијата д-р Мајкл Еисенберг, професор по урологија на медицинскиот факултет Станфорд.

Околу 15 % од неплодните мажи имаат азоспермија, се наведува во дел од студијата.

Според проф. Еисенберг, ова не е прв пат да се поврзе машката неплодност со зголемениот ризик од карцином, но новата студија утврдила дека поврзаноста е поголема кога се во прашање мажите со најтешката форма на неплодност. При тоа, тој тврди дека неплодноста директно не предизвикува рак, но можно е некој генетски фактор да придонесе и за азоспермија и поголема ранливост од рак.

Стручњаците се сепак внимателни во интерпретацијата на резултатите од новата студија и тоа поради мала причина: забележани биле само 10 случаи од карцином од 452 маж со азоспермија и 19 случаи од 1 800 со други форми на неплодност. Од 10 први случаи, два биле со рак на тестиси, додека останатите биле со карцином на мозок, простата, лимфом и меланом.