Според мислењето на стручњаците, дијагнозата на преддијабетесот треба да биде предупредување на луѓето да го променат начинот на живот со цел да се спречи појава на дијабетес и кардиоваскуларна болест. На преддијабетесот укажува нивото на шеќер во крвта помеѓу 100 и 125 mg/dl (5,6 do 6,9 mmol/l), додека нивото на шеќерот во крвта пониско од 100 mg/dl (5,5 mmol/l) се смета за нормално. Нивото од 126 mg/dl (7mmol/l) е веќе дијагностички праг за дијабетес.
Истражување во кое учествувале 19.630 испитаници покажало дека ризикот од кардиоваскуларни болести се движел од 15% за жени без дијабетес, до 38% за жените со дијабетес, како и од 21% за мажи без дијабетес, до 47’% за мажите со дијабетес.
Преддијабетесот е состојба во која поединци имаат ниво на шеќерот во крвта е повисоко од нормалното, но не доволно високо да се класифицира као дијабетес. Често преддијабетесот се нарекува и граничен дијабетес. Инаку, повеќето лица со преддијабетес немаат симптоми.
Резултатите од оваа студија нудат дополнителни докази, дека ако може да се избегне дијабетес, тогаш полесно може да се избегне и кардиоваскуларна болест. Преддијабетесот би требал да послужи како знак на предупредување за лекарите детално и внимателно да го следат шеќерот во крвта кај пациентот со цел да се спречи развој на дијабетес, по пат на интервенција во начинот на живот како што се подобрување на исхраната и зголемување на телесната активност, а ако е потребно и фармаколошки терапии.
