Сите сме свесни колку раното откривање на некои болести е важно за да може навреме да се пристапи кон лекувањето. Имајте на ум дека секој од овие симптоми не мора да значи дека со сигурност боледувате од некоја болест, но доколку забележите некој од нив најдобро би било да појдете на лекар и да добиете стручно мислење.
Дијабетес
Рани знаци: Зачестено мокрење, губење или добивање тежина без причина, замаглен вид, бавно зараснување на рани и појава на модринки, замор, трнење и болка во рацете.
Рак на кожа
Рани знаци: Задебелување и црвенило на кожата, црвенило на лицето и вратот, жолтица, промени на бенките, нови бенки, повреди на кожата кои не зараснуваат.
Болести на мускулите или зглобовите
Рани знаци: Постојани болки во мускулите, трнење или печење, отоци, воспаленија, вкочанетост или црвенило во или околу зглобовите, намалена можност за движење.
Болести на белите дробови
Рани знаци: Искашлување крв, хронична кашлица (која трае еден месец или подолго), отежнато дишење, краток здив, хронична болка во градите (која трае еден месец или подолго), шуштење додека дишете, производство на хроничен секрет (што трае еден месец или подолго).
Болести на дојките
Рани знаци: Невообичаена чувствителност на дојките или болка, промени на кожата на брадавиците или градите, грутки во близината или во градите, во делот на пазувите, опуштени брадавици.
Проблеми со репродуктивното здравје кај жените
Рани знаци: Болно менструално крвавење, зачестено мокрење, тешка абдоминална или карлична болка, невообичаен вагинален секрет, крвавење надвор од менструалниот период.
Болести на дигестивниот тракт и стомакот
Рани знаци: Дијареја, крв во столицата, многу темна столица, неможност за контрола на утробата, повраќање крв, промени во навиките на цревата, ректално крвавење, запек, киселини.
Проблеми со бешиката
Рани знаци: Болно или зачестено мокрење, крв во урината, ноќно мокрење во кревет, губење на контролата над бешиката, претерано мокрење навечер.
Пореметувања во исхраната и проблеми со тежината
Рани знаци: Искривена слика за сопственото тело, дехидратација, замор, депресија, повраќање, претеран глад, изгладнување, преокупираност со храната и тежината, компулсивно вежбање, голема жед.
Венска тромбоза
Рани знаци: Отекување на нозете, понекогаш и рацете, болка во нога или рака, грчеви во нозете или рацете, модра или црвена боја на кожата, ногата или раката се топли на допир.
