![3](https://panacea.mk/wp-content/uploads/2020/11/3-4-696x464.jpg)
Кај поголем број од пациентите по закрепнување од болеста КОВИД-19 ќе се развијат адекватни антитела кои ќе спречат повторна инфекција. Сепак, се работи за не така познат вирус, па не е сигурно ниту колку ќе потрае имунитетот. Во светот се евидентирани и случаи кога болеста повторно се појавила. Повозрасните и почувствителните лица секако би требало особено да внимаваат со цел инфекцијата да не се повтори.
Стандардните правила се заштита на лицето со маска, миење раце и одржување физичко растојание. Ова се шест важни совети како да се однесувате откако ќе се опоравите КОВИД-19.
- НЕ ЈА ПРЕСКОКНУВАЈТЕ ФИЗИЧКАТА АКТИВНОСТ
Вежбањето може да биде проблематично кога ќе се опоравите, кога телото е слабо, но сепак потребно е постепено во распоредот да се воведуваат вежби за телото, но и за умот.
- ВНИМАТЕЛНО БИРАЈТЕ НАМИРНИЦИ
Уште едно важно правило е да се консумираат намирници кои се богати со нутриенти и да се користат потребните суплементи за што побрзо опоравување. Коронавирусот го прави организмот подложен на големи количини на стрес, а и лековите кои се земаат може да го пореметат балансот во организмот. Се покажало дека некои пациенти по опоравувањето доживеале промени во телесната тежина. Обидете се да го организирате секој оброк. Подготвувајте домашна храна која ќе биде лесна за варење. Имајте предвид сека телото во моментот ви е заморено и дека му е потребна нега да се опорави.
- ВЕЖБАЈТЕ ГО МОЗОКОТ
Вирусот е познат по тоа дека ги оштетува клетките задолжени за меморија. За да ја повратите силата, когнитивните способности и за да го зајакнете помнењето, вложете малку време во сложување сложувалки или одберете било каква активност која ќе ве натера да мислите. Целата е да се почне полека, но секој ден да направите нешто што ќе го зајакне мозокот.
![](https://panacea.mk/wp-content/uploads/2020/11/4-4-750x500.jpg)
- ЗАБАВЕТЕ
Немојте ниту да помислите дека за неколку дена по негативниот тест ќе се вратите на нормалната рутина. Потребно е време за полека да се вратите во состојбата која за вас била нормална, пред болеста. Имајте на ум дека неодамна сте победиле опасен вирус и дека вашето тело е во фаза на опоравување, а било која форма на форсирање би можела да ве врати неколку чекори назад.
- ВНИМАВАЈТЕ НА ПРЕДУПРЕДУВАЧКИТЕ СИГНАЛИ
Било да се работи за главоболка или епизода на силен замор, важно е да препознаете било какви симптоми кои ќе предупредат дека нешто не е како што треба или дека телото се уште се опоравува од болеста. Следете ја својата состојба и контактирајте го матичниот лекар ако е потребно.
- ДОЗВОЛЕТЕ ДА ВИ СЕ ПОМОГНЕ
Запомнете дека ви е потребен одмор за да се вратите во состојбата која ви е позната. Побарајте помош секогаш кога ви е потребна бидејќи ќе ви биде потребна на патот кон закрепнување. Без разлика дали станува збор за купување намирници или чистење на куќата, секоја помош на вашиот заморен организам, добро ќе ви дојде.