Сите знаеме дека нашата дарувана крв некому може да спаси живот, но има се повеќе истражувања кои покажуваат дека и ние можеме да имаме лична корист од тоа, кога е во прашање нашето здравје.
Истражувањата покажуваат дека дарувањето крв има неколкукратни позитивни ефекти и на нашето здравје, како што е намалување на ризикот од срцев удар, па дури и карцином, а позитивно влијае и на намалување на телесната тежина.
Стручњаците сметаат дека позитивниот ефект доаѓа поради намалувањето на превисоката количина на железо во крвта. Железото влијае на тоа колку е густа и леплива текстурата на крвта, а високото ниво на железо во крвта предизвикува дебелеење. Зголеменото ниво на железо влијае и на процесот на оксидација на холестеролот.
Според едно истражување лица на возраст од 43 до 61 година, кои на секои шест месеци дарувале крв, имале значајно помала шанса за добивање на срцев удар. Истражувањето е спроведено на 2.682 мажи од Финска и покажало дека кај оние кои редовно дарувале крв, процентот на намалување на ризикот од срцев удар бил помал дури за 88%.
Исто така, друго истражување кое траело 4 години, а било спроведено на 1.200 лица, покажало значајно помала шанса за заболување од рак и тоа кај оние лица кои редовно дарувале крв. Но, експертите нагласуваат дека ова има ефект единствено ако редовно се дарува крв.
