Стручњаците од Стенфорд и Универзитетот Калифорнија од Лос Анџелес тврдат дека на проблемите со настинката им дојде крајот. Со векови наназад лекарите се обидуваат да најдат лек за едно од најчестите заболувања – „обичната“ настинка. Досега се откриени повеќе од 150 вируси кои го предизикуваат ова заболување кај човекот, а сега на кивањето, кашлањето и „шмркањето“ со носот им дојде крајот.
Научниците од престижните американски универзитети објавиле во медицинскиот магазин „Nature Microbiology“ дека успеале да изолираат протеин од вирусот кој предизвикува настинка, да го модифицираат и повторно да го вратат во организмот. Така изменетиот протеин успеал да ја запре настинката од понатамошно ширење и да ја неутрализира.
Тестовите кои порано ги правеле на глувци сега почнале да ги тестираат и на првата група луѓе. Почетните резултати се повеќе од охрабрувачки затоа што учинокот е стоотстотен.
Водачот на студијата американскиот микробиолог и имунолог Џан Карети, предавач на универзитетот Стенфорд појаснил дека досегашните начини на лекување не биле делотворни затоа што повеќето вакцини се базирале на тоа да сузбијат само четири од некои 150 вируси кои предизвикуваат настинка.
„Овие вируси се развиваат во носот. Ним им одговара температура од 33 до 35 степени, колку што е просечната температура во носот и оттаму се развива инфекција која доведува до настинка. Ние избравме друг пристап. Откривме дека протеин ја предизвикува инфекцијата, го изолиравме и модифициравме. Кога повторно е вратен во човековиот организам тој протеин потоа ја уништи инфекцијата и настинката е победена“, објаснил Карети.
Тој најавил и дека неговиот тим сега се фокусирал на создавање лек или лекови кои ќе добијат широка примена во најскоро време. Додека лекот да се најде во аптеките, Карети и неговите соработници советуваат вообичаени мерки на превентува – редовно миење раце, слоевито облекување, здрава исхрана, физичка активност и сл.
