Попаметно е да практикувате животни навики кои се спречат настинка, пред да ве нападне во полна сила. Фокусот на превенцијата е сигурно најпаметниот начин да се пристапи на сезоната на настинки и грип. Еве како:
СПИЈТЕ ДОВОЛНО
Секако дека понекогаш ова е полесно да се каже, отколку да се направи, но вистина е дека квалитетниот сон најдобро го штити имунитетот.
“Не е целосно јасен механизмот, како недоволно сон му штети на имунитетот, но студиите покажуваат дека го уништува функционирањето на Т-клетките и ги зголемува воспалителните цитокини, а двата процеса ја намалуваат нашата способност за борба против настинка и грип“, нагласува д-р Холи Филипс, специјалист.
ЈАДЕТЕ МНОГУ ЗДРАВИ НАМИРНИЦИ
Овошје, зеленчук и житарки од цело зрно се преполни со антиоксиданти кои се и тоа како потребни за обнова на клетките и здравјето на имуниот систем. А сето тоа на крајот ќе спречи настинка.
НЕ ДОПИРАЈТЕ ГИ НОСОТ, ОЧИТЕ И УСТАТА
Ова се директни влезови за бактерии, а кога ќе кивнете или ќе се закашлате, директно ги пуштате надвор. Сите знаеме дека е најлесно да се заразиме преку валкани раце, затоа внимавајте каде ги ставате, и не допирајте го лицето со нечисти раце. Не допирајте други луе ако вие сте заразени.
КОНТРОЛИРАЈТЕ ГО СТРЕСОТ
Ова сте го слушнале многу пати, но е толку важно што треба да се повтори. “Како и недоволното сон, и долготрајниот стрес може да го исцрпи организмот и да го зајакне влијанието на хормонот на стрес на организмот, што резултира со намалување на производството на бели крвни зрнца, потребни за спречување инфекции“, нагласува д-р Филипс.
МИЈТЕ РАЦЕ
Ова е најважниот начин во борба против инфекции и зарази – миење раце. Лекарите советуваат да ги миете 20 секунди во многу жешка вода со сапун за да се елиминираат сите нечистотии.
ВАКЦИНИРАЊЕ
Вакцината против грип е прва линија на одбрана и ќе ја намали можноста за развој на болести помеѓу 70 и 90%, истакнуваат експертите.
