Храната е темел за совршено тело, а фитнесот е само срдество – ова е клучната реченца на фитнес гуруто Крисмас Ебот, со која таа успеала на листата свои клиенти да ги „смести“ и најпознатите имиња од црвениот килим и жени со совршени тела како што се Миранда Кер и Џесика Алба.
Алба е жена која има две деца и совршено тело, а се води од мотото кое на многумина од нас ќе им помогне во борбата со килограмите да влезат со многу помалку страв – треба да се јаде се.
Значи, ако сакате совршена линија, а со тоа да ја одбегнете желбата за одредени намирници и нервозата заради гладта следете го нејзиниот совет.
„Ако сакате да ослабете треба добро да јадете. Не смеете да се откажувате од ништо, потребни ви се и протеини, и јаглехидрати, и масти. Се работи, се разбира, за здрави намирници. Кога ќе ви дојде да згрешите, згрешете, но бидете умерени. Право на грешка имате два пати неделно“, советува Крисмас.
На овој начин вие во организмот сте внесле здравје. Според тоа имате тројна причина за среќа! Не се мачите, а добивате тело за кое сте сонувале и сте здрави. Потребно е само да бидете доследни и да престанете со изговорите, затоа што тоа е една од најчестите причини зошто го немате телото за кое сонувате. Затоа земете го животот во свои раце и не ја обвинувајте храната.
Храната е мојот пријател, а доследноста е клучот. Верувам дека се е во умерените количества, изјавила Миранда Кер.
А сега ви останува уште тренингот, за хранливите материи да ги распоредите баш како што треба. Правете ги вежбите кои ви годат. Можете да ги комбинирате тренинзите, секој ден одредете по 30 минути за активности.
- Вежбајте додека гледате телевизија;
- Прескокнувајте јаже. Ако направите четири серии од по 2 минути вие сте потрошиле 111 калории;
- Застанете пред креветот, а потоа направете „чучнување“, се додека задникот не го допре креветот, како да седнувате. Но не седнувајте. Останете во таа положба минута. Ако ја повторите оваа вежба 4 пати сте избришале 80 калории;
- Легнете на подот и кренете ги нозете до 90 степени. Спуштајте ги полека. Правете ја вежбата пет минути и ќе изгорите 50 калории;
- Кружете со рацете. Повторете ја вежбата три пати по 1 минута и мускулите на рацете нема да ви бидат опуштени, а вие ќе имате 20 калории помалку.
- Легнете на подот. Поткренете го телото со рацете и во таа положба останете една минута. После две повторувања, полесни сте за 35 калории.
- За крај, седнете на креветот, но не за да одморите. Ви останува уште една вежба. Грбот ви е потпрен на перниците, а нозете ви се под агол од 90 степени во однос на половината. Извијте се кон нозете. Опуштете ги мускулите и вратете се во првобитната положба. После 5 минути, сте согореле 35 калории.
