По менопаузата, мускулната маса драстично се намалува. Овој пад дополнително се зголемува доколку количеството на протеини во организмот не е доволно. Ова може да се избегне со додавање на пилешко или телешко месо, риба и јајца во дневното мени. Во овој период од животот жените често се чувствуваат непожелни и сметаат дека не се способни да заведуваат. Затоа често прибегнуваат кон „утешители” – благите работи. Ако ви претставува проблем да целосно се откажете од нив, тогаш воведете си навика да ги консумирате само напладне, во мали количини. Бонбоните се нешто кое треба целосно да се исклучи од менито во оваа возраст.
По 45 години менопаузата бара промена во исхраната
Во оваа возраст, најголемиот предизвик за жените е да бидат способни да ја задржат својата телесна тежина и да не дозволат таа драстично да се зголеми.
Дури и до тој момент да немале проблеми со килограмите и тело да им било во добра состојба, меѓу 45-тата и 65-тата година не е исклучено нагло зголемување на телесната тежина.
По овој период некои жени се принудени да следат и спроведуваат диета, односно специјален режим на исхрана по лекарска препорака. За ова, еден од главните виновници е холестеролот. Во исто време, целосното откажување од храна богата со маснотии може да доведе до прекумерна употреба на шеќерот како компензација. Всушност, драстичното намалување на употребата на храна богата со масти не е секогаш потребно. Едноставно е потребно да се консумираат во одредена количина која што не му штети на телото.
- За таа цел, не надминувајте 10 грама масти дневно.
- Павлаката несомнено е многу вкусна, но нејзиното консумирање треба да биде ограничено на две лажици неделно.
- Потребно е консумирање риба – најдобро три пати неделно.
- При зачинување на салатите најдобро е зејтинот да го замените со маслиново масло.
