Срцевите заболувања вклучуваат здравствени проблеми со самиот срцев мускул и крвните садови, кои можат да доведат до затајување на срцето. До срцеви болести обично води генетиката, нездравата исхрана, недоволната физичка активност и пушењето, покрај кои се јавува и висок холестерол, висок крвен притисок и аритмија.
Ова се факторите кои ја зголемуваат веројатноста за појава на срцеви заболувања:
Учество во сообраќај
Верувале или не, сообраќајната врева може да го зголеми крвниот притисок и да го зголеми ризикот од затајување на срцето. Секои дополнителни 10 децибели го зголемуваат ризикот од срцев удар. Научниците веруваат дека тоа е поврзано со начинот на кој нашето тело реагира на стрес.
Мигрена
Се уште не е разјаснето зошто, но ако страдате од мигрена, поверојатно е да имате мозочен удар и срцев удар. Побарајте совет од вашиот доктор за тоа како да ги сузбиете и излекувате силните главоболки.
Насилството и злоупотребата во детството се дефинитивно поврзани со висок крвен притисок, дебелина и дијабетес во зрелоста
Деца
Ако сте родител, имате повеќе шанси да добиете срцев удар. Ризикот се зголемува кај жените кои имале абортус или ги отстраниле јајниците.
Низок раст
Луѓето со понизок раст имаат 8 % повеќе шанси за срцеви заболувања. Исто така, докажано е дека во просек имаат повисоки нивоа на холестерол и триглицериди во крвта.
Осаменост
Осаменоста е поврзана со повисоки нивоа на стрес и висок крвен притисок. Ако сте сами, запишете се на некои тимски спортови или придружете се на некој планинарски клуб.
Лекови против АДХД
Лекови кои ја зголемуваат концентрацијата може да го зголемат бројот на срцеви отчукувања и да го зголемат крвниот притисок. Во текот на долг временски период, ова може да доведе до срцеви заболувања. Поразговарајте со вашиот лекар за ефектите на АДХД лековите што ги земате и нивните ефекти врз здравјето на вашето срце.
Дури и два часа по „експлозијата“ на емоции, вашето тело е чувствително и често се јавуваат аритмии
Долго работно време
Луѓето кои работат повеќе од 55 часа неделно имаат поголема веројатност да заболат од кардиоваскуларни болести или да доживеат срцев удар. Подолгото работно време значи и повеќе седење, стрес и нередовна исхрана.
Болест на непцата
Бактериите од устата, вклучувајќи ја и пародонтозата, можат да влезат во крвотокот и да го разгорат ѕидот на артеријата, што доведува до зголемување на масното ткиво во нив. Ако непцата ви крвават за време на миење на забите, не заборавајте да го известите стоматологот и вашиот лекар.
Тешко детство
Насилството и злоупотребата во детството се дефинитивно поврзани со висок крвен притисок, дебелина и дијабетес во зрелоста. Сите овие фактори влијаат на појавата на срцеви заболувања. Ако сте претрпеле каква било форма на злоупотреба или насилство во детството, препорачливо е да разговарате со психијатар или психолог за да ја отстраните вашата несигурност и да живеете безгрижен живот.
Грип
Неодамнешните истражувања покажале дека луѓето кои имале грип, после една недела имале поголема веројатност од срцев удар. Лекарите се уште не можат да ја откријат врската, но веруваат дека оваа појава е поврзана со воспалителните процеси во телото.
Бес
Ако сте често лути и бесни, имате пет пати поголеми шанси за срцев удар. Дури и два часа по „експлозијата“ на емоции, вашето тело е чувствително и често се јавуваат аритмии и затајување на срцето. Ако не можете да ги контролирате сопствените емоции, поразговарајте со вашиот лекар за лекови за смирување, запишете се на јога или научете техниките за дишење, кои во истиот момент ќе ве опуштат, пишува „webmd“.
