Свежиот сок добиен од ротквица е стар народен лек кој помага при лекување на воспалението на жолчното ќесе. Ротквицата исто така делува на излачување на слузта од дишните органи, па се препорачува при бронхитис, настинка, грип, дишни инфекции и кашлица.
Поради мирисот и вкусот во исхраната се користи главно како средство кое поттикнува апетит. Најчесто се консумира во форма на салата, сама или во комбинација со јаболко, маслинки, кисели краставички, со маслиново масло и кисело млеко.
За да се добие саканиот ефект, ротквицата се јаде заедно со кората и треба да се исече на тенки кругчиња и во слоеви да се нареди на чинијата.
Претставува активен диуретик кој го топи песокот и камењата, и помага при варење на маснотиите. За жените ротквицата е од голема важност, бидејќи ги задоволува потребите на организмот за минерали и ензими, и на тој начин влијае на подмладувањето.
БЕЗ СОЛ
Важно е да се знае дека ротквицата во било која форма и да се консумира, не треба да се посолува, бидејќи тогаш станува штетна. Треба да се јаде свежа, бидејќи со стоење ги губи мирисот, вккусот и лековитите својства, а ослободува токсични состојки.
