Рузмаринот е лековита и зачинска билка позната по бројните благотворни ефекти врз здравјето – ја подобрува циркулацијата и го ’брка’ заморот, го стимулира варењето, а делува и како диуретик. Меѓутоа, неодамна се покажало и дека оваа билка, исто така, го поттикнува памтењето и воопшто нашите когнитивни способности.
Имено, во едно истражување во кое учествувале 80 лица, испитаниците добиле и испиле 250 мл вода со екстракт од рузмарин или 250 мл негазирана минерална вода. Дваесет минути после консумирањето на напитокот испитаниците правеле тестови на компјутер кои ја проценуваат нивната способност да запаметат и искористат нови информации.
Кај испитаниците кои пиеле напиток со рузмарин дошло до подобрување на способноста за памтење и обработка на информациите за 15 проценти, во однос на контролната група која испила само вода. Истиот тим на научници претходно дошол до заклучок дека и самиот мирис од рузмарин одведува до зголемување на способноста за концентрација.
