Чајот од рузмарин се користи кај тегоби при варењето на храната (надуеност, забавен метаболизам), ревматски проблеми, како и пореметувања со желудникот. Рузмаринот го поттикнува излачувањето на урината и добро делува на црниот дроб. Делотворен е против бактериите (Staphylococcus, Streptococcus, Escherichia) i габата (Candida).
За елиминирање на овие состојби се пијат две шолји чај од рузмарин дневно. Познато е дека влијае на мозокот, за што се направени и неколку истражувања, но тоа е само едно во низата негови позитивни карактеристики.
Од друга страна, пак, маслото од рузмарин служи за проширени крвни садови, циркулација и го покачува крвниот притисок така овозможувајќи подобра концетрација и помнење. Особено е делотворен во подобрување на функцијата на црниот дроб и жолчното ќесе што придонесува за подобрување на општата состојба на целиот организам.
Особено е ефикасен во намалување на ризикот од појава на рак на кожата, а истовремено и го јакне имунитетот.
Сушен или свеж рузмарин?
Кога сте во можност бирајте свеж рузмарин наместо сушен бидејќи има побогат вкус и арома. Пред самото готвење, рузмаринот измијте го под млаз вода и исушете го така што ќе го тапкате. Во поголемиот број рецепти потреби се само игличките на рузмаринот кои можете со едноставен потег на раката да ги отстраните од гранката. Но, и целата гранка, исто така, можете да ја додадете во супи, јадења од месо, било при готвење или при декорација.
