Доколку сакате да го искористите спанаќот на најздравиот можен начин тогаш треба да го исечкате и да го ставите во смути во сирова состојба. Готвењето на овој зелен зеленчук ги „разбива“ неговите антиоксиданти, а ако го измешате со јогурт или млеко ќе ја ослободите и моќната хранлива состојка – лутеин.
Варењето или пржењето на спанаќот е најдобар начин да се уништи лутеинот кој го содржи тој. Лутеинот помага во намалувањето на ризикот од инфаркт и го спречува оштетувањето на видот.
Стручњаците од Универзитетот во Шведска тестирале различни начни на приготвување беби спанаќ за да утврдат што се случува со хранливите состојки кои ги содржи. Заклучиле дека најдобро е спанаќот воопшто да не се загрева, и дека е најдобро да се користи во смути со полномасно млеко или јогурт.
Кога спанаќот е исечкан на мали парчиња се ослободува повеќе лутеин од листовите додека маснотијата го зголемува соединувањето на лутеинот со течностите. Било да го варите спанаќот или да го печете, колку подолго термички го обработувате толку е полошо. Докажано е дека лутеинот им помага на луѓето кои имаат отечени крвни садови или имаат коронарна болест на артериите. Познат е и како витамин за очите затоа што го спречува оштетувањето од сонцето.
