Ако сте се здебелиле или загубиле килограм или два во последно време, не паничете. Малите промени во тежината се чести, а малку кога има причина за грижа. Но ако сте се здебелиле повеќе од 2 кг за неколку дена, време е за размислување и делување. Доктор Лоренс Шескин истакнува дека за мажите е нормално да стават по некој килограм одвреме-навреме. Оваа промена во тежината е почеста кај жените, но не е невозможна и кај мажите. Особено ако тежината ви била стабилна со месеци или години, ненадејната промена е момент за размислување.
Ова се 6 најчести причини зошто ви се случува ова:
Јадете премногу сол
Солта доведува до задржување на водата во организмот. Водата има тежина и волумен, па ако јадете солена хрена неколку дена по ред може да се случи да „залепите“ некој килограм.
Земате некој нов лек
Лековите се виновни за 15 отсто од случаите на дебелина. Лековите против депресија и срцеви болести се најчестите видови кои резултираат со овој проблем. Тука се и лековите за подобар сон, против болки, па дури и некои антихистаминици. На списокот можат да се најдат и некои стероиди, суплементи и тестостерон.
Јадете или пиете повеќе од обично
Доколку внесувате повеќе калории од обично или пиете повеќе алкохол не се чудете ако „залепите“ некој килограм. Обидете се да утврдите што е причината за вашиот проблем и работете на тоа.
Помалку се движите
Дури и мали промени во физичката активност можат да доведат до дебелеење. Можеби сте биле навикнати да пешачите и одеднаш сте престанале или сте тренирале, па сега веќе не. Сето резултира со промена на телесната тежина.
Ненадејно сте ослабеле
Навистина би било супер кога килограмите не би се враќале, но често е спротивно. Затоа ако неодамна сте ослабеле, немојте да се изненадите ако наскоро качите некој килограм.
Имате проблем со ендокриниот систем
Речиси една од 5 возрасни личности има проблеми со тироидната жлезда, познат како хипотироидизам. Оваа состојба е зачестена кај жените, но може да се јави и кај мажите и предизвикува зголемување на телесната тежина. И слабоста, главоболките, проблемите со размислувањето, депресијата или иритираноста можат да бидат причина за хормонален дисбаланс.
