Истражување: Зошто дебелината носи ризик за развој на рак

Повеќе од 1,9 милијарди луѓе на светот се дебели или имаат вишок килограми,  а бројни досегашни истражувања покажале дека многу видови рак, како на бубрезите, црниот дроб, панкреасот, ендометриумот..., се почести кај дебелите луѓе. Ризикот од развој на рак е поголем кај лицата со висок процент на телесни масти. Околу 49% ги поврзуваат со дебелината.

Ново истражување на британски научници објаснува зошто лицата со прекумерна тежина се поподложни на развој на карцином, а се чини дека проблем претставуваат имуните клетки на кои, кај гојазните луѓе се насобираат маснотии.

Поради вишокот маснотии надзорниот имунт систем кај дебелите лица го доцни распоредот на акумулираните липиди на т.н. „вродени клетки убијци“ (Natural killer cells) и истовремено го спречува нивниот клеточен метаболизам, како и понатамошниот процес, заклучиле научниците од колеџот Тринити.

Најчеста болест по пушењето

Повеќе од 1,9 милијарди луѓе на светот се дебели или имаат вишок килограми,  а бројни досегашни истражувања покажале дека многу видови рак, како на бубрезите, црниот дроб, панкреасот, ендометриумот…, се почести кај дебелите луѓе. Ризикот од развој на рак е поголем кај лицата со висок процент на телесни масти. Околу 49% ги поврзуваат со дебелината. Според податоци од 2012 година во САД, 28.000 нови случаи на рак меѓу мажите и околу 72.000 меѓу жените биле поврзани со дебелина. Научниците од Британското здружение за истражување на рак предупредиле дека дебелината е најчеста болест после пушењето која може да влијае на појавата на карциномот.

Вродени клетки убијци

Според нивните податоци, секое дваесето заболување од карцином во Велика Британија, од околу 22.800 нови случаи годишно, е последица од прекумерната телесна тежина. Новата студија е фокусирана на последиците од дебелината врз клеточниот метаболизам, на генетската експресија и функционирањето на „вродените клетки убијци, како и на нивното влијание за развојот на карцином. Вродените клетки убијци се лимфоцити, односно подгрупа на леукоцитите или белите крвни клетки, клучни во одбраната на организмот од вирусни инфекции, тумори и слично. Овие клетки први реагираат на одредени промени во организмот, како инфекција или тумор, бидејќи ги препознаваат на основа на промените на изразување на различните молекули на површината на клетките. Тие се способни да лачат различни фактори и да ги уништат целните клетки како би ја ограничиле појавата на болеста.

„И покрај општата загриженост и предупредувањата и понатаму има голем број дебели лица, а последично и многу болести поврзани со оваа хронична болест. Токму поради тоа, мора што побрзо да развиеме начини кои ќе ни овозможат борба против дебелината. Во лабораториските истражувања тоа ни успеа. Но, наместо потенцијалното земање лекови, кои ќе ги блокираат масните наслаги, поедноставно е да се изгубат вишокот килограми. Тоа е многу поздраво„, смета проф. Лидиа Ланч со Тринити колеџот.