Зошто секогаш имаме место за десерт после обилен оброк?
Круната на секоја вистинска кулинарска гозба е некој вид на десерт. Без него некако ручекот не би бил целосен. Исто како ништо да не сте јаделе, зарем не?
Но зошто луѓето сакаат да јадат благо на крајот на оброкот? Една од причините може да биде нашиот нагон да внесеме колку што е можно повеќе калории.
„Додека јадеме солена храна, нашиот апетит опаѓа и стануваме сити. Задоволството од солена и топла храна се намалува, па во желбата да внесат уште повеќе калории, луѓето бираат ладна и слатка храна. Кога јадеме нов вид на храна, нашиот апетит повторно расте“, вели Стивен Вајтерли во својата книга „Why Humans Like Junk Food“.
Друга причина би можело да биде тоа што нашиот желудник може да поднесе некои декадентни десерти само откако ќе се наполни со друга храна. „Кога сме многу гладни, храната со висока концентрација на шеќер и масти е тешка за желудникот. Крофни на празен желудник може да предизвикаат гастрични проблеми, но кога сте сити – тоа не се случува“, пишува Вајтерли.
