Поранешниот главен научен советник на британската влада, Дејвид Кинг издаде предупредување за трет бран на коронавирусот, откако во Англија се појавиле стотина случаи на инфекција со вирусот, откако поединци се вакцинирале два пати.
Се чини дека е можно бројот на заболени да се зголеми по попуштање на мерките и се е многу несигурно. Иако масовната вакцинација засега спречува повторување на големите “метежи“ во болниците, стручњаците се загрижени како ќе се одвива ситуацијата.
Околу 400 лица во само еден ден, а од кои сите се ревакцинирани, имале и позитивен тест на коронавирус. Проф. Кинг вели дека треба да се биде внимателен поради ови податоци, а смета овие бројки предупредуваат и на појава на нов бран на вирусот.
“Знаеме дека сите вакцинирани релативно се заштитени од вирусот, но не смееме да заборавиме дека еден од 25 нови случаи, а тоа се вкупно 400 лица, се оние кои се вакцинирани по два пати. Се додека постои вирусот, во земјата, меѓу луѓето, ситуацијата е опасна“, додава тој и истакнува дека смртта не е единствената работа која се сака да се избегне, оти постојат голем број на лица кои страдаат од пост-ковид синдром за кој малку се знае, освен дека во голема мера им го отежнува животот на луѓето.
Тој смета дека новите случаи на инфекција низ земјата се последица на индијската варијанта на вирусот, а се верува дека е до 40% позразана од останатите варијанти.
- КОЛКАВИ СЕ ШАНСИТЕ ДА ПО ДВЕ ПРИМЕНИ ДОЗИ ВАКЦИНА СЕПАК СЕ ЗАРАЗИТЕ?
Едно истражување спроведено во Лондон ги проверувало податоците на апликацијата Symptom Study на која се пријавиле повеќе од еден милион лица кои по двете дози Фајзер или АстраЗенека напишале свои коментари. Така уведеле дека од 2.398 лица, 187 имале позитивен наод на корона тестот, две недели по првата и втората доза вакцина.
- ДАЛИ ПОЕДИНЦИ СЕ ВО РИЗИЧНА ГРУПА?
Проучувајќи ги податоците, забележано е дека оние кои не водат особено здрав живот и имаат превисок индекс на телесна маса имаат и поголеми шанси да се заразат по вакцинирањето.
Повозрасните лица кои имаат здравствеи проблеми исто така припаѓаат во ризична група, а ова особено се однесува на оние кои живеаат во домови за стари лица, иако возраста не влијае на зголемените шанси за зараза.
Според истражувањето, лицата над 60 години, а кои се вакцинирани, имаат многу помали шанси да доживеат долг КОВИД-19. Астма, болести на срцето, дијабетес или карцином не ги зголемуваат шансите за инфекција.
- ЗОШТО НЕ ТРЕБА ДА КОРИСТИТЕ ТЕСТ НА АНТИТЕЛА ЗА УТВРДУВАЊЕ НА ИМУНИТЕТОТ
Стручњаците од Агенцијата за храна и лекови на САД (ФДА) велат дека користењето на ковид тест за антитела за да се дознае дали е присутен имунитет и дали сме заштитени од болеста е лоша идеја. Тие издадоа соопштение во кое стои дека тестовите не се сигурни индикатори на стекнатиот имунитет, па дури и ако лицето е вакцинирано.
“Тие се важна алатка за да се идентификуваат лицата кои биле изложени на вирусот и кај кои се развил адаптивен имунолошки одговор, но не треба да се користат за да се утврди имунитетот или заштитата од вирусот, а особено откако лицето примило вакцина“, појаснува д-р Тим Стензел од ФДА.
