Стресот влијае и на менталното и на физичкото здравје, но долгата изложеност на секојдневен стрес може да почне да го разболува организмот и да го слабее телото. Лекарите потенцираат дека постојат знаци кои укажуваат на тоа дека стресот веќе почнал да делува на нарушување на здравјето.
Осип
Доколку на кожата нагло се појаваат црвени топчиња кои чешаат, причина за тоа може да биде стресот, а не алергија. Кога телото е под преголем стрес, имуниот систем во телото слабее и потешко се бори против болестите. Тоа е причина зошто кожата станува пречувствителна на надворешните фактори – сапун, студ, лосиони, детергенти…
Дебелеење
Стресот поттикнува зголемено лачење на кортизол, хормонот на стрес кој ја нарушува способноста на телото да го обработи шеќерот во крвта. Поради тоа се менува и начинот на кој телото ги метаболизира мастите, протеините и јаглехидратите, а тоа може да доведе до трупање на вишок килограми. Стресот, исто така, често е виновник и за свртување кон нездрави прехранбени навики и прејадување.
Главоболка
Ако никогаш премногу не сте пателе од главоболка, а во последно време ја имате често – причина за тоа може да биде и премногу стрес во животот. Стресот ослободува одредени хемикалии во мозокот кои може да предизвикаат промена на нервите или крвните садови.
Надуеност и киселини
Стресот може да ја поремети работата на дигестивниот тракт на повеќе начини – го поттикнува производството на желудочни сокови што води до појава на киселини. Исто така, ја успорува дигестијата на храната во желудникот, а тоа предизвикува гасови и надуеност. Кога проблемите со варењето ќе продолжат во дебелото црево, можна е појава на дијареја и грчеви во стомакот.
Чести настинки
Стресот го слабее имунитетот, поради што може да се јави склоност кон настинки. Истражувачи од Универзитетот во Питсбург заразиле волонтери со вирус на настинка. Дел од нив биле под стрес и во таа група имало двојно повеќе настинати, за разлика од групата во која стресот не бил присутен.
Акни
Појавата на акни на лице кое нема никакви проблеми со кожата можно е да се должи на изложеноста на стрес. И во овој случај засиленото лачење на кортизолот е виновнк за оваа појава. Тогаш жлездите произведуваат повеќе маснотии, а вишокот останува заробен во фоликулите заедно со нечистотијата и мртвите клетки на кожата и се појавуваат акни.
Опаѓање на косата
Силниот и долготраен стрес резултира со т.н. фаза на одморање на фоликулите на влакната. Тоа резултира со нагласено опаѓање на коста. Косата може да ослабе и поради недостаток на железо во организмот.
