Без разлика што температурите не се како во зима, вам и натаму ви е ладно? Ова се вообичаените причини за тоа, како и совети како да се справите со оваа состојба.
Преслаби сте
Доколку индексот на телесната маса на лицето е под 18,5, токму тоа може да биде причина зошто постојано му студи. Поради недостатокот на доволна количина на масти во организмот, тој тешко се загрева, тешко се поттикнува циркулацијата и тешко се задржува топлината.
Имате недостиг на железо
Ниското ниво на железо во организмот може да резултираа со слаб пренос на кислород низ телото, поради што нема ни пренос на топлина. Без железо, црвените крвни зрнца не можат ефикасно да ја извршуваат својата функција – да пренесуваат кислород во сите делови на телото, па поради тоа овие лица се тресат и постојано чувствуваат студ.
Не спиете доволно
Недостатокот на сон може да го погоди нервниот систем на начин што ќе ги успори механизмите во мозокот кои влијаат на телесната температура. Се уште не е јасно на кој начин тоа се случува, но стручњаците увиделе поврзаност меѓу овие две точки. На мозокот му е потребен одмор за сте функции, па така и за оваа, која е задолжена за регулирање на топлината на организмот.
Дехидрирани сте
Над 60 % од човечкото тело е вода, па оттука е логично токму водата да ја регулира телесната температура. Со помалку вода во организмот, телото станува чувствително на температурни осцилации, па така станува посклоно на треска и чувствителност на ладно.
Ви недостасува мускулна маса
Мускулите помагаат да се произведува соодветна телесна температура. Затоа, поради недостаток на мускулна маса може лицето да чувствува дека постојано му е ладно. Различни тренинзи може да помогнат да се забрза циркулацијата и да се создадат мускулите.
