Крвната група е наследна и непроменлива карактеристика на луѓето. Крвната група може да влијае на целиот наш живот, но изненадувачки е фактот што голем дел од луѓето всушност и не си ја знаат својата крвна група. Време е тоа веднаш да го промените, а во продолжение три причини зошто би требало да знаете дали сте крвна група А, Б, АБ или 0.
Истражувањата покажале дека кај луѓе со одредена крвна група постои поголем ризик за одредени болести
Крвната група дава подлабок увид во вашата генетика
Познавањето на крвната група може да ви биде од голема помош во разбирање на тоа како вашето тело реагира на одреден вид на храна, болести кон кои би можеле да сте склони, како реагирате на стресот, како стареете и многу повеќе.
Понатаму, крвната група може да ви служи како „навигациона алатка“ во одредувањето на она што е добро, а што е лошо за вас, како и полесно да направите индивидуален план на исхрана. Истражувањата покажале дека кај луѓе со одредена крвна група постои поголем ризик за одредени болести. На пример, кај лица со крвна група 0 постои помал ризик од срцеви заболувања, но поголем ризик од појава на чир на желудникот.
Лицата со крвна група А имаат поголем ризик од инфекции, а кај жените со крвна група А е забележана повисока стапка на плодност. Кај луѓе со крвни групи АБ и Б постои поголем ризик од заболување на панкреасот.
Крвната група помага да се одреди најздравиот начин на исхрана
Антигените (молекули кои го стимулираат производството на антитела, односно имунолошка реакција во организмот) на вашата крвна група не се наоѓаат само во крвта. Тие се раширени низ целиот организам, особено во делови од телото кои се во интеракција со околината.
Тоа го вклучува дигестивниот систем, од устата до дебелото црево, дишните патишта и белите дробови. Бидејќи овие антигени се насекаде, тие влијаат на тоа како телото реагира на храната која ја јадете. Покрај тоа, одредена храна содржи лектини, протеини кои се врзуваат за антигените на крвната група и предизвикуваат згрутчување на крвта (аглутинација), поради што може да чувствувате замор, главоболка, проблеми со варењето, да имате проблеми со кожата и други здравствени проблеми. Токму затоа познавањето на вашата крвна група може да ви помогне во одредување на најздравиот начин на исхрана.
Познавањето на крвната група може да ви го спаси животот
Најважната причина поради која треба да ја знаете вашата крвна група е тоа што овој податок може да ви го спаси животот во случај на сообраќајна или некоја друга несреќа кога ви треба трансфузија на крв.
