Луѓето не обрнуваат внимание на здравјето на устата и забите, а стоматолошката хигиена е најдолу на списокот на приоритети. Ова го покажуваат последните истражувања, според кои, секој трет човек редовно заборава да си ги измие забите.
Оваа студија направена во Велика Британија опфатила 2000 возрасни испитаници, и покажала дека над 85% од нив имаат занемарувачки однос кон хигиената на забите и дека не прават доволно за забите и за устата.
Еден од секој 10 испитаник изјавил дека наместо паста за заби, користи гума за џвакање, а 80% изјавиле дека страдаат или се борат со некаков проблем како чувствителност на забите (33%), кариес (32%) и крварење на непцата (31%).
Здравствената состојба на устата била речиси најниско на приоритениот список на учесниците во истражувањето, кога станува за одржување на здрав начин на живот, диета, телесна тежина и психичко здравје. Само 9% од анкетираните сметале дека ова прашање е важно.
Шест од 10 испитаници изјавиле дека не обрнуваат доволно внимание на хигиената на усната шуплина, а 43% од нив рекле дека и не знаат како да ја одржуваат хигиената на устата и на забите.
Специјалистите од оваа област посочуваат дека повеќето проблеми поврзани со оралното здравје, може да се превенираат или намалат со секојдневна хигиена на усната шуплина.
“Кога станува збор за оралното здравје, повеќето луѓе мислат на забите. Бактериите се наоѓаат и на јазикот, усните и на непцата. Така што и за нив е подребно соодветно ниво на заштита, како и за забите, за да се постигне здравје на целата усна шуплина“, потенцира стоматологот, дел од истражувачкиот тим, Милад Шадрух.
