Освен што некои намирници го зголемуваат ризикот од воспаленија на мочниот меур или габични инфекции, можат да резултираат и со непријатен мирис во делот на интимното подрачје.
Кафе
Намирниците и напитоците кои создаваат киселини придонесуваат за појава на воспаление на меурот, а дури можат и да го предизвикаат. Најдобар пример е кафето. За беспотребно да не го надразнуваме меурот со прекумерно консумирање кафе, се препорачува истото да се пие со многу вода за да се разреди киселината во урината.
Шеќер
Ако често патите од габични инфекции во интимното подрачје, би требало да го намалите консумирањето на слатки бидејќи шеќерот енормно го зголемува нивниот раст. За да обегнете габична инфекција гинеколозите препорачуваат максимално да се намали внесот на шеќер и советуваат урамнотежена исхрана. Ако веќе имате инфекција, препорака е веднаш да се откажете од шеќер и слатки.
Црвено месо и јаки зачини
Црвеното месо и ароматичните зачини можат да влијаат на мирисот на интимното подрачје. Додека ананасот и другото овошје придонесуваат за пријатен мирис, споменатите намирници, за жал, делуваат сосема спротивно.
