Дали имате чувство дека сте преуморни, попладне без исклучок ви се дреме, потребни ви се барем три филџани кафе за да се освестите и успешно да го истуркате денот, а слободното време најмногу сакате да го поминувате лежејќи пред телевизорот. Се се ова јасни знаци дека ви недостасува енергија, а главен виновник е неправилната исхрана. Почетокот на денот и некако е поднослив, но веќе после ручек ви останува сила само за да дојдете до креветот. Причина за ова е добро познатото чувство на исцрпеност после ручекот, а се крие во адитивите кои се една од состојките на речиси сите намирници кои ги консумираме.
Освен калциумот, фосфорот е еден од најзастапените минерали во човековото тело, заслужен за нормалната Пх вредност на организмот и за одржување на хормоналниот баланс. Меѓутоа вишокот на фосфати може да му штети на организмот, а се главни состојки на намирниците како што се јајцата, месото, млечните производи, житарките, јаткастите плодови и чоколадото. Сепак, таквите природни фосфати се присутни во намирниците, и не се многу штетни, всушност, се заслужни за преносот на енергија и учествуваат во многу метаболички процеси. Од друга страна, анорганските фосфати како адитиви се употребуваат во храната и пијалаците и можат значително да го оштетат нашето здравје. Анорганските фосфати ги има во 70 отсто од преработените намирници и затоа е мошне важно да се посвети внимание на она што го јадеме. Тие во намирниците се додаваат за вкусот да биде подобар, а рокот на траење подолг. Најмногу од овие адитиви се наоѓаат во готовата, конзервирана храна, месните преработки и соковите.
Прекумерниот внес на храна богата со адитиви доведува до намалување на желбата за движење и влијае на речиси потполно губење на енергија.
Посебна штета во нашиот организам, адитивите можат да им нанесат на бубрезите.
Ако сакате да се заштитите од штетните ефекти на адитивите врз здравјето, обавезно одбегнувајте ги следните производи:
- Конзервирана храна;
- Месни преработки;
- Газирани пијалаци;
- Снегулки;
- Грицки
Наместо тоа внесувајте свежо овошје и зеленчук, кое ќе ве покрене и ќе ви помогне успешно да ги обавите обврските и да се чувствувате здраво и полетно.
