Постојан замор, тешко будење и лоша концентрација – сите овие состојби се последица од недостаток на енергија. Еден од најголемите потрошувачи на енергијата е стресот. Штом научите да го контролирате и да го намалите стресот, енергијата ќе се зголеми. За ова да се постигне најдобро е да медитира, односно длабоко да се диши.
Спијте доволно
Да, ова звучи како нешто што е добро познато и не треба да се споменува. Сепак, многу луѓе страдаат од некој вид несоница. Просечна количина на сон изнесува 8 часа, но реално треба да спиете онолку колку што ви е потребно да се одморите. Избегнувајте алкохол и кофеин за да може да се наспиете и одморите како што треба.
Течности
Пиењето вода не е важно само за кожата и варењето, туку и за целиот организам. Затоа секогаш пијте вода. Ќе се чувствувате многу подобро и поенергично ако во себе имате доволно течности.
Вежбајте
Вежбањето не заморува и не ја одзема енергијата, туку спротивното. Немојте веднаш да си наметнете обврска и да одите пет пати во неделата во теретана по час и половина. Обидете се со пешачење до работното место, слезете од автобус една станица претходно. Истегнувајте се неколку пати во денот и направете некоја помала и изводлива физичка активност во канцеларија.
Појадувајте
Можеби ви се чини дека појадокот не ви е потребен, но обидете се да направите експеримент. Појадувајте секое утро, во период од 10 дена и потоа еден ден прескокнете. Ќе забележите огромна разлика. Организмот се одмара преку ноќ и единствен начин да го придвижите на почеток на денот е да го „наполните со гориво„.
