ХПВ
Ова е една од болестите која може да се пренесе и без секс. ХПВ се пренесува преку кожата, без разлика дали некој ќе допре брадавица или подрачјето околу неа, велат гинеколозите. ХПВ доаѓа во различни облици од кои некои можат да предизвикаат генитални брадавици, а други претканцерогени лезии. Дури и не мора да е во облик на брадавица да се заразите, затоа што вирусот може да се шири и пред да се прошири по телото. Брадавиците може да се јават и по други делови од телото, како на пример, прстите. Иако може да се отстранат, вирусот и понатаму може да остане во организмот и повремемо да се активира.
Вирусни брадавици
Иако технички станува збор за вирусна инфекција, а не за полово пренослива болест се поголем е бројот на жени кои имаат зголемени јазолчиња со кратери на интимните делови од телото. Оваа болест обично се пренесува преку кожата, па дури и креветите и солариумите. Јазолчињата не се болни, но откако ќе добиете едно можат да се прошират. Позитивната работа е кога еднаш ќе се ослободите од вирусот, инфекцијата обично не се враќа.
Трихомонијаза
Оваа болест не е многу позната, но треба да се внимава затоа што вирусот може да преживее на нежив објект прилично долго откако го допрела заразена личност. Може да се појави во облик на вагинална инфекција кај жената, проследен со секрет со непријатен мирис, како и со сврбеж и иритација. Се лекува со антибиотици.
Херпес
Ова е често првата инфекција на која помислуваат луѓето кога ќе се споменат полово преносливите болести. Затоа прилично алармантно е откритието дека може да се пренесе на некои прилично недолжни начини. Херпесот може да се пренесе со бакнеж или, на пример, делење валкан жилет. Иако постојат два вида на херпес ХСВ-1 и ХСВ-2 докторите не прават големи разлики меѓу нив. Некогаш ХСВ-1 се сметал за орален, а ХСВ-2 за генитален тип, но денес разликата е помалку важна од порано. Освен тоа што типот 1 обично не се враќа, додека типот 2 почесто се повторува, двата типа може да се појават каде било на телото. И иако херпесот може да биде асимптоматски, раната околу устата е сигурен знак за оваа вирусна инфекција, додека раната на гениталиите, исто така, може да укаже на херпес.
