Главоболките по опоравувањето од КОВИД-19 може да бидат трајни за некои пациенти, а невролозите изнаоѓаат некои ефикасни начини за решавање на исцрпувачката болка која може да потрае.
“Замислете главоболка 24/7 во тек на период од три месеци или подолго. Се среќаваме со многу лица кои биле болни од КОВИД-19 пред 19 месеци. Иако веќе го немаат вирусот и натаму имаат главоболки како преовладувачки и долготраен симптом“, вели д-р Брајан Плато, невролог и специјалист за главоболка на Институтот Norton Neuroscience.
Новата секојдневна упорна главоболка е состојба што претходно се поврзуваше со разни тригери, вклучувајќи ги и вирусните инфекции. Според д-р Плато, порастот на главоболки по дијагнозата КОВИД-19 е нешто кое невролозите и стручњаците за главоболка очекуваат и понатаму да го гледаат.
“Да бидам искрен, ова е нешто кое не ме изненадува. Меѓутоа, мислам дека постојаноста на главоболката кај овие пациенти се разликува од претходните вируси“, додава д-р Плато.
- МОЖНОСТИ ЗА ЛЕКУВАЊЕ НА ГЛАВОБОЛКИТЕ ПО КОВИД-19
Со оглед дека КОВИД-19 е релативно нова болест, експертите се уштеги истражуваат најдобрите начини за лекување на долготрајната главоболка.
“За некои пациенти, тие сами од себе стануваат полесни, како времето поминува. Но, за оние имаат потрајни симптоми, веројатно она што го сметаме за најефикасно е да бидат ставени на третман со стероиди. Исто така користиме и други лекови против мигрена, секодневно како превенција и според потреба“, објаснува д-р Плато.
- КОГА ДА ПОБАРАТЕ ЛЕКАРСКА ПОМОШ
Според д-р Плато, лицата кои имаат долготрајна главоболка по дијагнозата КОВИД-19, не би требало само да претпоставуваат дека симптомот ќе се подобри сам од себе.
“Гледам луѓе кои влегуваат со трајни ефекти од КОВИД-19 кои им го менуваат животот. Овие луѓе живеат со навистина големи и упорни главоболки кои ја нарушуваат нивната способност да одат на работа, да бидат со своето семејство. Трајните ефекти се прилично оневозможувачки. Ако, по опоравување од инфекцијата со коронавирусот не гледате подобрување, можеби треба да се обратите кај медицински стручњак, било тоа да е вашиот матичен лекар или да одите на невролог“, советува д-р Плато.
