Луѓето кои имаат болки во рамото можат навистина да имаат проблем со вратот. Од друга страна, болка во вратот може да камуфлира проблем со рамото. Болката во рамото не мора да укажува на проблем со рамото, како што болките во вратот не мора да индицираат на проблеми со вратот.
Тоа што телото ја манифестира болката на одреден дел не мора секогаш да значи дека самиот проблем се наоѓа токму на тоа место. Болката во вратот и рамото честопати знае да премине од едно на друго место. Тоа е така бидејќи пред се вратот и рамото се регии кои се наоѓаат близу едно до друго и се поврзани со повеќе нервни патишта. Во случај на повреда, честопати се случува мозокот да не успее да ја трасира патеката на болката назад до нејзиниот извор, па така, тоа што го чувствуваме не мора да значи дека навистина се случило. Оваа појава се нарекува симптоматична болка.
Врат
Доколку еден од 14-те нерви или седумтепрешлени во вратот се воспали, тоа може да предизвика болки во вратот. Прешлените служат како навртки кои ни овозможуваат да ја мрдаме главата. Всушност 65 % од луѓето кои имаат над 65 години имаат артритис на еден или повеќе прешлени во вратот.
Можно е да се работи за артритис или болка поврзана со нервите во вратот доколку:
- Се наоѓа во пределот на лопатката, близу до вратот или на страните на вратот.
- Доколку болката е остра, имате чувство дека некој ве прободува или ве гори или чувствувате трнење.
- Се проширува под лактот, па оди дури до дланката.
- Болката не исчезнува и при одморање.
- Се појавува кога ги ширите рацете или ги вртите навнатре.
- Се намалува кога го потпирате вратот.
Во ваква состојба, најдобро е да посетите специјалист кој ќе ви направи испитување на вратот и рамото.
Третман на болката во вратот
- Физикална терапија;
- Антиимфламаторни лекови;
- Лед, топлина и терапија со масажа.
Рамо
Болката во рамото најчесто настанува како резултат на повреда на тетиви и мускули кои го стабилизираат зглобот. Овој предел на рамото е постојано изложен на ризик од повреда. Кога ќе дојде до повреда, тогаш употребуваме други групи на мускули кога подигнуваме некои работи, со цел да го поштедиме. На овој начин предизвикуваме болка во рамото и вратот.
Можно е да имате повреда или друг проблем со рамото доколку болката:
- Се развива во самото рамо или надворешниот дел на горниот дел на раката;
- Тапа и досадна;
- Се јавува кога ја кревате раката преку главата или ја вртите позади грбот или при подигање предмети;
- Се шири низ горниот дел на раката, но не го поминува лакотот;
- Се јавува навечер;
- Се зголемува додека ја одморате раката.
Третман на болката во рамото
- Одморајте од активностите кои ви ја влошуваат болката;
- Физикална терапија;
- Ставајте лед на рамото, особено ноќе;
- Антиинфламаторни лекови.
Доколку овие мерки не донесат резултат, односно не ја намалат болката, тогаш можеби би биле потребни дополнителни испитувања на рамото.
