Има ситуации кои доведуваат до заблуда, па сигналите што ни ги испраќа телото ги занемаруваме мислејќи се карактеристични само за настинка. Вистината е дека може да станува збор за нешто посериозно и за не така безопасна болест. Ова се шест сигнали дека не станува збор за состојба на обична настинка.
Времетраење
Една нормална настинка трае околу три дена. Почнува со надразнето грло, честопати придружено со течење на нос и можна кашлица која се јавува подоцна. Со помош на одморање и земање повеќе витамини, проблемите постепено почнуваат да исчезнуваат 72 часа по првите симптоми. Но, ако тегобите траат подолго од четири дена тогаш со сигурност не станува збор за обична настинка.
Висока температура
Високата температура укажува на вирусни заболувања и инфекции. Таа е еден од првите сигнали по кој може да препознаете дека не се борите со настинка. Важно е да го откриете причинителот за појава на покачена телесна температура – најчесто почнува од проблеми со грлото, но може да алармира дека сте фатиле вирус. При високи температури одржувајте го организмот добро хидриран!
Другата крајност е присутност на не премногу висока температура која, исто така, е загрижувачка и сугерира дека не станува збор за настинка. Ако неколку дена термометарот покажува дека телесната температура ви е нешто над 37 степени, тоа значи дека вашето тело се бори со вирус или бактерија. Во ваков случај задолжително посетете лекар за да ја одредите причината.
Главоболка
Главоболката не е една од најчестите симптоми на настинките, па можете да ја користите како навестување дека проблемот е различен. Ако се комбинира со вкочанетост на вратот или треска, тогаш можеби зборуваме за некој прогресивен вирус. Исто така, може да страдате од инфекција на синусите, затоа најдобро се консултирајте со доктор.
Диши-издиши
При вообичаена настинка тегобите се поврзани со надразнето грло и течење на носот, кои подоцна се развиваат во кашлица, но и тие исто се смируваат за релативно краток период. Меѓутоа, ако продолжите да кашлате со денови и да чувствувате болка или затегнатост во градите секој пат кога вдишувате или издишувате, тогаш мора да консултирате, бидејќи тогаш може да станува збор за бронхитис или дури и пневмонија.
Суперинфекција
Често се случува симптомите на кои сте се жалеле одеднаш да исчезнуваат и потоа да се вратат за два-три дена. Тогаш вообичаено се зборува за „суперинфекција“, која всушност започнува како настинка, но поради зафаќање на имунитетот болеста се развила.
