Поединци со шизофренија изложени се на зголемен ризик од морбидитет и морталитет од КОВИД-19 во однос на лицата кои не се соочуваат со оваа болест, укажуваат резултати од нова студија во која учествувале 51.078 испитаници.
Имено се покажало дека е помалку веројатно дека лицата со шизофренија ќе бидат позитивни на КОВИД-19, меѓутоа, двојно е поголема веројатноста дека ќе бидат хоспитализирани поради КОВИД-19. Исто така треба да се напомене дека пациентите со шизофренија имале три пати поголема веројатност дека ќе починат од последици од КОВИД-19.
Според мислењето на стручњаците, би требало да се вложат дополнителни напори да се намали ефектот на пандемијата кај оваа ранлива популација.
