Тешката форма на коронавирус би можела да го измами имуниот систем и да поттикне да произведува антитела кои имаат потенцијал да го напаѓаат здравото ткиво и да предзвикуваат воспалителни болести, предупредуваат научниците во својот научен труд објавен во списанието Nature Communications.
Тие откриле автоантитела во примероци крв кај околу половина од 147. хоспитализирани пациенти со КОВИД-19, но кај помалку од 15 проценти од 41 здрав доброволец.
Од 48 пациенти со ковид, истражувачите земале примероци крв во текот на неколку дена, вклучувајќи и на денот на прием во болница, што им овозможило да го следат развојот на автоантителата.
“Во рок од една недела, околу 20% од тие пациенти развија нови антитела на сопственото ткиво кои ги немаа на денот кога се хоспитализирани“, вели д-р Пол Утц од Универзитетот Стенфорд.
Тој ги повикува луѓето да се вакцинираат.
“Не можете однапред да знаете дека ќе имате блага форма на КОВИД-19. Ако сепак добиете потешка форма, би можело да завршите со проблеми до крајот на животот, бидејќи вирусот може да поттикне автоимуна реакција“, објаснува тој.
