Крајниците или тонзили, се дел од лимфниот систем, кои му помагаат на телото во одбраната против инфекциите. Крајниците се првата линија за одбрана од микоорганизмите присутни во воздухот и други штетни материи, но понекогаш и овие топчиња сместени во грлото може да се воспалат и да предизвикаат здравствени проблеми, а овие три се најчести.
Лош здив
Според податоците на американската институција National Institutes of Health, половина од светската популација страда од лош здив.
Деведесет отсто од случаите предизвикан е од проблемите во самата усна шуплина, како лоша орална хигиена или протокот на плунката, но лошиот здив може да биде и последица од насобраните наслаги на крајниците кои се создаваат кога овие наслаги се претворат во калциум.
Крајниците се полни со агли и пукнатини во кои се собраат бактериите, мртвите клетки и слузта. Од овие материи потоа се создаваат бели формации сместени во џебовите на крајниците. Тие наслаги често содржат сулфур кој предизвикува лош здив. Решение? Добра орална хигиена како четкање на забите два пати на ден и гаргара со антисептик може да помогне во отстранувањето на насобраните наслаги.
Болно голтање
Во повеќе случаи каменецот на крајниците е мал и не предизвикува никакво чувство на непријатност. Меѓутоа, ако наслагите се поголеми, тоа може да предизвика болки при голтањето.
Ако наслагата е тврда, лицето може да има чувство на стран предмет во телото и чувство на непријатност во грлото. Кога голта, лицето може да има чувство дека во грлото има игла. Ако чувствувате болка при голтање, а не сте алергични и немате некаков вирус, како стрептокока, виновник за болката може да биде големата количина на наслаги во крајниците. Тие може да се отстранат со редовна гаргара со солена вода или со кашлање. Меѓутоа, ако станува збор за поголеми наслаги, ќе треба да се консултирате со оториноларинголог за ласерско отстранување на каменецот.
‘Рчење
Зголемените крајници може да бидат причина за ‘рчење. Тоа се случува бидејќи, поради зголемените крајници, воздухот не може нормално да поминува низ дишните патишта. ‘Рчењето може да биде иритирачко, но не е штетно, освен ако не е проследено со апнеа во сон, кога телото, додека спиете, добива помалку кислород заради паузите во дишењето и блокади на дишните патишта.
Зголемени крајници често се причина за ‘рчење и кај децата, а четири од 100 средовечни жени страдаат од апнеа во сон која е предизвикана од зголемени крајници. Зголемени крајници може да се појават и како последица од некои вродени здравствени состојби како хронични инфекции и други фактори Ако состојбата е сериозна, докторот ќе ви препорача вадење на крајниците.
