Биполарна депресија е вид на депресија која се јавува како биполарното растројство. Биполарното растројство е пореметување на расположението, односно духовно пореметување, проследено со психопатолошки промени на расположението, но и промени во психичките и физичките функции.
Чувство на тага
За да се утврди дали станува збор за биполарна депресија, мора да има барем пет од овие неколку симптоми:
- Депресивно расположение поголем дел од денот, речиси секој ден;
- Чувство на тага, празнина и безнадежност;
- Значително намален интерес и намалено уживање во речиси сите активности;
- Губење на телесната тежина или дебелеење
- Намален или зголемен апетит;
- Несоница или претерано спиење секојдневно;
- Чувство на безвредност и недостаток на самопочитување;
- Психомоторен немир или успореност речиси секој ден;
- Замор и губење на енергија;
- Намалена способност за размислување и концентрација;
- Неодлучност и чувство на вина;
- Постојано размислување за смртта
- Повторувачки суицидни мисли и обиди за самоубиство
Значајни разлики
Во минатото биполарната депресија била поврзана со обичната депресија, но се поголем број истражувања сугерираат дека постојат значителни разлики меѓу нив, особено кога се работи за препорачани третмани и начини на лекување. Всушност, постои ризик дека антидепресивите може да го влошат биполарното растројство, така да поттикнуваат манија или хипоманија, што предизвикува брзи промени на состојбата и расположението, а го попречуваат и дејството на другите лекови кои го стабилизираат расположението.
Раздразливост
И покрај многу случајности, некои симптоми се почести во биполарната депресија, отколку во обичната. Биполарната депресија вклучува раздразливост, вина, непредвидени промени на расположението и чувство на немир, но и психомоторна успореност, поспаност и покачена телесна тежина.
