Клиничката депресија е ментално пореметување кое се карактеризира со лошо расположение, ниска самодоверба и губење на интерес за некогаш сакани активности. Не постои лабораториски тест за депресија иако психијатроте понекогаш бараат тестови за други физички состојби кои би можеле да предизвикаат депресија.
Најчест период на појава на депресијата е од 20 до 30 година, но често се појавува и во периодот 30 до 40 година.
СИМПТОМИ
Клиничката депресија има негативно влијание на работата, учењето, спиењето, јадењето и сексуалниот нагон.
Проблеми со спиењето
Депресијата може да влиаје на телото, исто како и на умот. Потешкотиите при обидот да се заспие се исто како потешкотиите да се остане во сон, се вообичаени кај депресивните лица. Некои мислат дека и премногу спијат.
Болка во градите
Болката во градите може да биде знак за проблеми со срцето, белите дробови или желудникот, затоа побарајте лекарска помош за да ги исклучите овие проблеми. Понекогаш, болката во градите е знак и за депресија. Депресијата може да го подигне ризикот од болести на срцето. Лицата кои преживеале срцев удар почесто се депресивни.
Умор и исцрпеност
Ако се чувствувате многу уморно и немате енергија за секојдневните задачи, тоа може да е знак дека сте депресивни. Депресијата и заморот заедно имаат тенденција да двете состојби ги влошат повеќе.
Болка во мускулите и зглобовите
Кога живеете во постојана болка, тоа може да го зголеми ризикот од депресија. Депресијата може да доведе и до болки, бидејќи двете состојби делат ист хемиски гласник во мозокот. Депресивните луѓе имаат три пати поголема веројатност дека ќе добијат регуларна болка.
Проблеми со дигестијата
Мозокот и дигестивниот систем се силно поврзано, поради што, многумина добиваат болка во желудникот или чувство на мачнина кога се загрижени или се под стрес. Депресијата може да навлезе и во цревата – да причини мачнини, дигестивни пречки, пролив или запек.
Главоболка
Една студија покажала дека лицата со тешка депресија имаат тројно поголема шанса да имаат мигрена, за тие пак се со огромен ризик да станат депресивни.
Болка во грбот
Кога боли грбот на редовна основа, тоа може да допринесе за развој на депресија. Лицата пак, кои веќе имаат депресија имаат за четири пати поголема веројатност да добијат интензивна, онеспособувачка болка во вратот или во грбот.
Сексуални проблеми
Ако сте депресивни, може да изгубите интерес за секс. Некои лекови кои третираат депресија може да го намалат сексуалниот нагон.
