Проблемот се јавува кога протокот на крв е ограничен на одредени делови од телото. Често се чувствува во екстремитетите, поточно прстите. Сепак, може да се појави каде било во телото. Една од најчестите причини е акумулирањето на талог во внатрешноста на крвните садови и капилари, што најчесто се случува поради акумулација на масти на внатрешните ѕидови на клетките.
Некои од сериозните состојби кои се јавуваат поради слабата циркулација се висок крвен притисок, проблеми со срцето, оштетување на органите, мозочен удар, проширени вени, проблеми со бубрезите … Еден од проблемите предизвикани од слаба циркулација е дека телото не ги добива основните прехрамбени потреби.
Циркулаторниот систем е главен начин клетките да ги добијат потребните хранливи материи.
Во повеќето случаи кај возрасните, главна причина за лошата циркулација е начинот на живот и недостатокот на вежбање, како и премногу масна и слатка храна. Постојат многу различни симптоми кои укажуваат на слаба циркулација, најчести се следниве:
- студени нозе и прсти – не само во зимски услови;
- ладни раце и прсти;
- чувство на вкочанетост во одредени делови од телото, особено на екстремитетите;
- замор или недостаток на енергија поголемиот дел од времето;
- понекогаш паѓањето на коса може да биде резултат на слаба циркулација;
- чести вртоглавици;
- сува кожа, и покрај доволно вода за пиење;
- отоци и задржување на вода особено во нозете;
- грутки во крвните садови и проширени вени;
- главоболки;
- грчеви;
- недостаток на здив одвреме – навреме;
- дамки на кожата.
