Научниците откриле дека од минатата година кај дел од луѓето дошло до поинтензивно сонување и тоа интензивни и долготрајни соништа, а причината за тоа ја препишале на недостатокот на стимулација во вид на социјален живот и активности во време на пандемијата и работењето од дома.
“Необично живописни сонови“ кои се почесто почнале да се случуваат кај дури две третини од луѓето, поттикнале голем број лица за тоа да пишуваат на социјалните мрежи. За жал, голем е бројот на оние кои пишувале за кошмари и многу грди искуства.
Меѓу тие искуства имало се повеќе приказни за КОВИД, кој ја зголемил фреквенцијата на повторувања на напади на парализа во сон – привремена неможност за свижење или зборување проследено со многу непријатни халуцинации додека лицето заспива или се буди.
На социјалните мрежи може да се најдат бројни искуства на оние кои пишувале за овој феномен и дека нивниот мозок останувал активен додека телото било во состојба на мирување. Многумина од нив со парализа в сон се сретнале прв пат за време на епидемијата со коронавирусот.
Експертите за терапија на спиење, Кат Ледерле, Грег Потер и Хусаин Абдех, клинички директор во Medicine Direct, објаснуваат зошто стресот и вирусната инфекција можат да бидат причина за пораст на овие случувања, кои во медицината се веќе познати како парализа на сонот.
- Неможност за движење во будна состојба
Парализата при спиење е неможност за движење на телото и покрај тоа што лицето е будно додека само што почнува да тоне во сон или излегува од него со „брзи движења на очите“ во РЕМ фаза, објаснува Потер.
РЕМ фазата на спиење е време кога лицето ги сонува своите најживописни соништа, а за мозокот да спречи телото да го “направи“ она што се случува во соништата, ги парализира повеќето мускули освен срцевиот мускул и оние што се користат за дишење. Парализата при спиење се случува на истиот принцип, но во будна состојба, додава тој.
Епизодите на парализа во сон може да траат од неколку секунди до неколку минути и сами по себе не се опасни, но можат да бидат многу застрашувачки. Најстрашните епизоди обично вклучуваат халуцинации, и тоа сцени, звуци или чувства, кои најверојатно се појаваат поради континуираната активност на соништата во некои мозочни кругови, објаснува Потер.
Можеби самата вирусна инфекција влијае на регулирањето на сонот во мозокот. Пријавени се невролошки ефекти од КОВИД-19, додава проф. Ледерле.
Но, мислам дека е поверојатно дека би имало зголемување на нападите на парализа при спиење поради стресот што произлегува од големите промени во начинот на кој живееме во моментот, неизвесноста и анксиозноста со кои се соочуваме. Сето ова влијае на нашиот ритам на спиење, објаснува таа.
Ако постои врска помеѓу КОВИД-19 и нападите на парализа на сонот, тоа може да биде затоа што пандемијата со коронавирусот предизвика голем психолошки стрес кај многу луѓе и го наруши распоредот за спиење, потенцира Потер.
Исто така, може парализата на спиење да се јави кај некои луѓе кои долго боледуваат од КОВИД-19, но тоа е тешко да се каже во моментов, додава тој.
Најважно е да спиете доволно секоја вечер, објаснува д-р Хусаин. Треба да направиме се што можеме за да спиеме од 7 до 9 часот секоја ноќ, предупредува тој.
Најдобро би било да легнувате на спиење приближно исто време и да се будите во исто време секој ден. Ова ќе го доведе телото во рутина, што ја олеснува проценката на биолошкиот ритам на спиење и будност кога е време за одмор, вели д-р Хусаин, додавајќи дека на телото му треба и доволно движење во текот на денот.
