Главната состојка на гумата за џвакање е база за гума, обично синтетичка гума, еден вид полимер, сличен на пластика. Се вика полизобутилен и се добива од петрохемикалии кои се прочистуваат од фосилните горива како сурова нафта. Знаете ли што џвакате? Истражувањето покажало дека дури 85 проценти од 2 000 испитаници не знаат дека во составот на овој, за многумина омилен производ, се наоѓа пластика, и тоа во базата за гума. Во минатото биле користени природни материјали, но со тек на времето почнале да се воведуваат состојки кои го направиле производството полесно и подостапно. Рецептите за производство се сменети, а гумите за џвакање, иако не сите, содржат пластика, гума, восок…
Што ќе се случи ако проголтате гума за џвакање? Нашето тело не може да ја свари, па мастиката од нашиот дигестивен систем ќе излезе како како што сме ја проголтале. Предупредувањата што често сме ги слушале во детството дека ќе се залепи за цревата или ќе остане внатре во организмот со години – се само мит.
Проблемот може да се јави ако за кратко време проголтате неколку гуми за џвакање – така оваа несварлива „топка“ може да биде преголема за да помине низ цревата. Тогаш е време да одите на доктор. Ова е најчесто кај децата, но, за среќа, ретко се случува.
