За појавата на воспаление на мускули постојат две теории. Според едната причина за оваа состојба се млечните киселини како нус производ од работата на мускулите. Од друга страна, другата теорија е дека се во прашање микротрауми, односно при зголемувањето на физичката активност доаѓа до микрооштетувања на мускулните влакна.
Воспалението во мускулите може да биде резултат на три причини:
- Замор;
- Практикување на некоја необична активност;
- Тренинг на само една мускулна група.
Кога е во прашање заморот, мускулите почнуваат да болат или за време на самата активност или непосредно по активноста. При чувство на болка треба да се направи мала пауза или напорот треба да се префли на друга мускулна група.
Необичната активност опфаќа поширок поим бидејќи се однесува на сите активности кои на телото му делуваат „необично“ бидејќи не се правени подолг временски период. Тоа значи дека да се почне со некаков спорт по подолго време или да се изведуваат вежби кои преходно никогаш лицето не ги правело. Воспалението се јавува од 12 до 72 часа по активноста. Воспаление на мускули може да добијат и редовни спортисти по интензивни тренинзи.
При активности во кои се повторуваат едни исти движења може да дојде до оптоварување на една мускулна група. Ова е особено изразено доколку лицето не било физички активно подолго време. Тогаш голема е вројатноста да дојде до состојба на воспаление на мускулите.
Чувството на болка при движење како што се манифестира воспалението на мускулите се и еден вид на доказ за квалитетен тренинг. Благата тензија во ваков случај е добар знак, но не и пресилното воспаление. Особено е важно лицето да не ја оптоварува мускулната група која е во болка. Нови вежби и активност се доволени откако мускулите најмалку 24 часа ќе се одморат.
Совети
- Истегнувајте се по секој тренинг;
- Загревајте се пред секој тренинг;
- Кога ќе почувствувате дека имате воспаление во мускулите, одморете, но најмногу еден ден, никако повеќе, бидејќи воспалението побрзо ќе исчезне со тренирање.
