Вежбајте, физичката активност спречува појава на депресија

Вежбањето е важно како за психичкото така и за физичкото здравје

Студија направена во Австралија укажува на значењето на физичката активност во борбата против анксиозноста и депресијата. За да дојдат до овој заклучок, научниците кои биле дел од истражувањето ги користеле податоците од студијата за здравјето на жителите на норвешкиот округ Северен Тренделаг спроведена во периодот од 1984 до 1997 година. Во оваа студија било следено нивото на физичка активност и депресијата кај повеќе од 33 000 возрасни испитаници.

Се покажало дека испитаниците кои изјавиле дека не вежбаат имаат за 44 проценти поголеми шанси за појава на депресија, отколку испитаниците кои вежбаат еден или два часа неделно. Овие наоди укажуваат и на значајната улога на вежбањето за одржување на менталното здравје, како и на потенцијалните придобивки – како за психичкото така и за физичкото здравје, при редовното практикување умерени физички активности.