Карли Каме, иако ревакцинирана, забележала дека ги изгубила сетилата за мирис и за вкус. Кога се присетила на случувањата, сфатила дека со денови пред појавата на овие симптоми чувствувала силен замор, а дополнителни симптоми ја увериле дека не се работи за обична настинка. Вакцините, според кажувањата на стручњаците се многу ефикасни во спречување ма појава на сериозни симптоми, но ниту една вакцина не е 100 процентно ефикасна, појаснува д-р Лиса Адамс, декан на Универзитетот во Дартмаут.
Знаеме дека постојат и дека ќе постојат случаи на зараза и кај вакцинирани поединци, но сега сме во ситуација кога многу малку вируси се во оптек. Исто така, кај тие лица формата на болеста ќе биде блага, додава таа.
ВАКЦИНИТЕ ПОСТОЈАТ ЗА ДА СПРЕЧАТ ХОСПИТАЛИЗАЦИЈА И СМРТЕН ИСХОД
Д-р Рошел Валенски, директорка на Центарот за контрола на болести вели дека новите податоци покажуваат дека 99,5% од смртните исходи се кај лица кои не се вакцинирани. Од 157 милиони лица кои се вакцинирани има само 733 смртни случаи. Околу 75% од новите инфекции се јавиле кај лица постари од 65 години.
“Целта на вакцината е да ве заштити од болничко лекување и смртен исход. Ако имате блага инфекција, тоа не е ништо страшно”, вели Пол Офит, директор на Детската болница во Америка и додава дека вакцините сепак ја исполниле својата задача.
СИМПТОМИ НА ИНФЕКЦИЈА КАЈ ВАКЦИНИРАНИ ЛИЦА
Според податоците, се чини дека инфекциите се благи и честопати без симптоми.
Маша Гесен, новинарка, исто така, се разболела и покрај тоа што била вакцинирана. Болеста била блага, а симптомите вклучувале течење на носот, иритација на очите, замор, губење на мирис и вкус, но сите исчезнале во рок од една недела. Некои, пријавувале и запек и главоболки. Откако ја примил вакцината, два месеци подоцна се разболел и Тревис Дагенеис од Бостон, кој страдал од симптоми слични на настинка, со температура, и иако му било тешко, најмногу се прашувал што ќе се случило ако не бил вакциниран.
“Мораме да разбереме дека 94 или 95 проценти вакцината е безбедна, а не 100 проценти. Не се работи за заштитна оклоп и невидлива сила. Тешко е да се помине низ она што го поминав, но не можам да замислам како би било ако не се вакцинирав “, потенцира тој.
ПОМАЛКУ ОПАСНИ ЗА ОСТАНАТИТЕ
Иако Каме и натаму се уште има некои од симптомите на болеста, таа е среќна што вирусот не го пренела на семејството. „Мојот партнер дури и не се вакцинираше и не се разболе, а ние спиевме во ист кревет. Работата е во тоа што може да се разболите по вакцината, но не мора да го пренесувате вирусот на блиски луѓе и со тоа да го избегнете чувството на вина, што претпоставувам дека е ужасно “, додава таа.
Луѓето кои заболеле од КОВИД-19 иако се целосно вакцинирани, честопати имаат многу помалку вируси во организмот, што исто така значи и дека се помалку заразни, така барем тврди студијата спроведена во Израел. Неколку студии на тој начин разјаснија дека Фајзер вакцината може да биде и до 94 проценти ефикасна во спречување на асимптоматска инфекција што ќе го намали ризикот од пренос на болеста.
