Лукот е редовен гостин во нашите менија, но и билка која ја користиме кога сме настинати или имаме грип. Во народот е познат како природен антибиотик, а дека навистина е лековит, потврдуваат и стручњаците. Во лукот се наоѓаат речиси стотина активни хемиски соединенија, а меѓу нив и неколку антиоксиданти – соединенија кои го намалуваат трошењето и оптоварувањето на телесните клетки.
„Уште не е целосно јасно како сите составни делови на лукот делуваат во телото, но тој навистина делува како антибиотик, средство за прочистување на дишните патишта, антиканцерогено, ги уништува габите и одредени вируси„, велат нутриционистите.
Лукот за своите лековити својства може да му се заблагодари на моќното соединение – алицин, со кој оваа билка брани од бактерии и габи. За најдобро да го искористите позитивното дејство на лукот, потребно е често и правилно да го консумирате.
- Пред консумација, задолжително згмечете го за да ја поттикнете ензимската реакција во која се создава алицинот.
- Секој ден треба да јадете најмалку три чешниња лук
- Најдобро е да го консумирате свеж
- Ако термички го обработувате, тоа нека биде кратко – не повеќе од 10 минути.
