Кога постои дисбаланс во еден дел од телото тоа може да се покаже на некој друг, навидум сосема неповрзан. Но всушност се во телото е поврзано, па така и косата може многу да открие за здравјето.
Проблеми со тироидната жлезда
Тироидните хормони ги регулираат фоликулите на косата, објаснува стучњакот за коса и кожа Адина Махали, а ниското ниво на овие хормони може да ја запре регенерацијата на фоликулите.
„Тоа може да доведе до опаѓање на косата, па дури и до опаѓање на цели прамени“, вели Махали, додавајќи дека истенчувањето на косата и поголемата кршливост на влакната од обично можат да укажат на проблеми со тироидната жлезда.
Недостаток на железо
Опаѓањето на косата често е знак за недостаток на железо. Тоа е важен нутритиент за бројни телесни функции, па и за здрава коса. Ако забележувате дека косата многу повеќе ви паѓа при миење или кога се чешлате, тоа може да биде знак за анемија.
Не јадете се што ви е потребно
Ако не внесувате важни нутритиенти со исхраната, тоа може да се одрази и на косата.
„Исхраната е најважниот начин за внес на нутритиенти што значи дека нивниот изостанок може да биде виновник за лошиот квалитет на косата. Ако влакната губат сјај или се кршливи, посветете внимание на тоа што јадете“, советува Махали.
Обидете се да јадете повеќе свежо овошје и зеленчук, како и протеини за да ја зајакнете косата и да и го вратите сјајот.
Ви треба повеќе вода
Водете сметка за тоа да внесувате доволно вода!
„Водата сочинува 25 отсто од тежината на косата, ако не внесувате доволно вода таа лесно може да дехидрира, краевите да се уништат, а кожата на главата да почне да произведува повеќе маснотија“, вели стилистката на коса Хасинда Смит.
Ако косата не ви расте брзо колку што мислите дека треба или брзо се масти, обидете се да пиете повеќе вода.
Хормонски промени
Поголемите хормонски промени во текот на животот можат да се одразат и на косата.
„Бременост, постнатален период, перименопауза, се се тоа периоди во животот на жената кога доаѓа до големи хормонски промени, а опаѓањето на косата често е поврзано со тоа“, вели стручњакот за женско здравје Карен Шопоф Руф.
„Како што нивото на естроген е пониско во периодот после породувањето и во перименопаузата косата тогаш побавно расте“, вели Шопоф Руф. „Тоа може да делува како опаѓање на косата затоа што таа повеќе не густа како некогаш, а всушност телото само се враќа на вообичаеното ниво на хормони.“
Во секој случај ако косата ви опаѓа повеќе од вообичаено или расте побавно, не помислувајте веднаш на нешто страно и не грижете се затоа што, како што гледате, некои и прилично безопасни проблеми може да се причина.
