Знаеме дека „оние денови“ во месецот носат грчеви, надуеност и замор, но, исто така, може да откријат и многу за вашето здравје. На пример, доколку се соочувате со неправилен циклус, можеби имате проблем со тироидната жлезда или полицистични јајници, а доколку воопшто не се појави, треба да направите тест за бременост.
Бојата на месечниот циклус може да открие што се случува во вашето тело, а може да варира од розова до темноцрвена.
Еве што можете да дознаете и кога е време да се јавите на лекар.
Ако е розова…
Ако е повеќе розова отколку црвена, а сте забележиле и дека не е толку обилна, можеби имате ниско ниво на хормонот естроген, вели д-р Маргарет Ромеро. Некои студии покажале дека жените кои претерано вежбаат може да имаат недостаток на естроген, што може да влијае на бојата на вашиот период, а понекогаш и да води до негово изостанување. Недостатокот на естроген може да влијае на развој на остеопороза, па затоа е важно да се побара помош од лекар.
Ако е воденеста…
Во овој случај, може да се работи за недостаток на хранливи материи, вели д-р Алиса Двек од медицинскиот факултет во Њујорк, додавајќи дека во прашање може да биде тешка анемија, особено ако сте забележиле дека вашата менструација не е повеќе обилна. Следете како се развива ситуацијата текот на неколку месеци, а ако ништо не се промени, обратете се на лекар.
Ако е темна…
Можеби причина за оваа боја се остатоците од лупење на ѕидот на матката, кои преку крвта, сега излегуваат надвор од телото. Затоа не треба да паничите, бидејќи станува збор за нормална појава што обично се јавува на почетокот или на крајот на менструалното крвавење.
Ако е густа и во боја на црвено вино… Можеби се работи за ниско ниво на прогестерон и високо ниво на естроген. Згрутчувањата се нормална појава, но ако се поголеми, може да укажуваат на сериозен хормонален дисбаланс. Лекарите советуваат да се намали внесот на намирници, како шеќер, млеко и соја
Ако е светла или во боја на брусница…
Ова би значело дека имате нормална менструација и дека се се одвива како што треба.
