Доколку ви се чини дека имате проблеми со работата, тоа можеби нема никаква врска со начинот на кој го извршувате, туку со начинот на кој спиете. Ова не се однесува на тоа колку долго спиете, или на времето кога легнувате, туку на положбата во која спиете.
„Доколку се разбудите во положба на фетус, сте се разбудиле на погрешна страна од креветот„, вели Ејми Кади од Универзитетот Харвард. Ејми е социјален психолог кој интензивно ја истражува моќта на говорот на телото.
Добра вест е дека не сте единствени кои спиете и се будите во положба на фетус. Околу 40% од луѓето спијат во оваа положба. Тоа е позиција во сонот која ја усвојуваат многу емотивни и чувствителни луѓе и повеќе жени отколку мажи, спијат во таа положба.
Д-р Кади истакнува дека спиењето во положба на фетус може негативно да лијае на вашиот упсех бидејќи потсвесно делува на начинот на кој се гледате себеси.
„Во суштина, вашето тело влијае на вашиот ум, умот влијае на однесувањето, а однесувањето на исходот„.
Поедноставен пример е дека истражувањата докажале дека можете да влијаете на себе и да бидете посреќни доколку се смеете, токму поради таа поврзаност на телото и мозокот.Слично на тоа, доколку премногу време поминувате во покорна положба, односно држење на телото, дури и додека спиете, потсвесно си праќате порака дека немате или не сакате да имате лична моќ.
Меѓутоа, постојат работи кои можете да ги направите тоа да се промени. Моежете да вежбате позитивно да размислувате и да имате самоуверено држење со крената глава.
