Болката во тестисот може да има неколку причини – од инфекции до повреди. Понекогаш болката може да биде и некоја итна медицинска состојба. Откријте кои се можните причини за болка во тестистите и кога треба да побарате лекарска помош:
Епидидимитис
Инфекцијата како епидидимитис може да предизвика болка во тестисот. Станува збор за инфекција на епидидимитисот – орган во кој созрева спермата пред излегувањето од телото. Симптомите се: болка која постепено се зголемува, скротум кој е топол на допир, оток.
Сексуално преносливите инфекции како што се кламидијата и гонорејата може да предизвикаат епидидимитис. Инфекциите на мочниот систем, исто така, можат да доведат до епидидимитис. Лекарите обично оваа состојба ја третираат со антибиотици.
Кила
Килата или хернија се јавува кога ткивото поминува низ слабиот дел од стомачните мускули. Препонската кила е еден вид кила која може да се „лизне“ во скротумот, предизвикувајќи болка и оток на тестисот. Лекарите можат да ја намалат или вратат препонската кила назад на своето место. Ако тоа не е делотворно, може да се третира и оперативно.
Бубрежни камчиња
Може да предизвикуваат болка која се рефлектира во тестистите. Останатите симптоми се: крв во урината, печење при мокрење, мачнина, болка на врвот од пенисот, остра болка која може да се шири од грбот кон препоните, често мокрење, повраќање.
Третманите за лекување може да вклучуваат и оперативно отстранување на каменот или зрачење за да нивно разбивање.
Орхитис
Можни симптоми се умор и треска. Во прашање е инфекција и воспаление на тестисите. Нелекуван епидидимитис може да доведе до орхитис. Симптомите може да вклучуваат: умор, треска, мачнина, болка во тестисот, отекување на еден или двата тестиса, повраќање.
Понекогаш болката може да биде толку силна, што наликува на торзија на тестисот, па потребна е итна медицинска интервенција. Може да се препише и антибиотска терапија за бактериска инфекција, а кога орхитисот е предизвикан од вирус тогаш препораката е терапија против болки и одмор.
Торзија на тестис
Торзија е извртување на тестисот и семеводот, цевче кое доведува крв во скротумот. Намалениот проток на крв предизвикува нагла и често силна болка и оток. Најчесто се јавува кај младите мажи, обично оние помладите од 25 години. Симптомите кои се поврзуваат со оваа состојба се: мачнина, црвенило или потемнување на скротумот, ненадејна силна болка која се појавува на едната страна од скротумот, оток, повраќање.
Лекувањето вклучува операција, а во ретки случаи кога не може да се „поправи“ торзијата и отстранување на тестисот. Вообичаено влијае само на едниот тестис, па така отстранувањето не влијае на плодноста на личноста. Ако не се лекува, може да резултира со губиток на тестисот, но и околното ткиво.
Траума
Удар во тестисите може да доведе до појава на модрици, болки и оток. Исто така, може да дојде по пукање на тестисот. Затоа доколку по удар чувствувате болка и доаѓа до оток, појдете на лекар.
Варикокела
Варикокелата може да доведе до болки за време на физичка активност. Станува збор за абнормално големи или извртени вени во тестисите. Понекогаш варикокелите не предизвикуваат никакви симптоми. Личноста може да забележи болка во тестисот која се влошува со физичка активност или во текот на денот. Можат да влијаат и на плодноста. Точната причина за појава не е позната, но обично можат да се лекуваат со операција.
Тумор на тестисот
Туморот може да предизвика болка и оток во делот на тестисите. Останатите симптоми можат да вклучуваат: тапа болка во препоните, јазолче во тестисот, оток. Симптомите за тумор на тестисот можат да наликуваат на некои други состојби кои ги погодуваат мажите, како што се ингвинална кила и епидидимитис.
Кога да се појде на лекар?
Најдобро е да посетите лекар ако кој било од следните симптоми го следи болка во тестисот: промена на бојата на тестисот, мачнина, необично крвав или матен исцедок од пенисот, оток на тестисот, повраќање, болка која со текот на времето се влошува.
